Жұман Жаппар - халықаралық қатынастар және әлемдік экономика кафедрасының профессоры және халықаралық қатынастар факультетінің халықаралық қолданбалы зерттеулер орталығының директоры. Қазақстанның ғылыми-педагогикалық қоғамдастығында кеңінен танымал ғалым және педагог, экономист-кибернетик, экономика ғылымдарының докторы. Қазақстан Республикасы Ұлттық Ғылым академиясының құрметті академигі, Қазақстан Ұлттық Жаратылыстану ғылымдары академиясының академигі, Нью-Йорк Ғылым Академиясының толық мүшесі. Қазақстанның еңбек сіңірген қайраткері, Қазақстан Республикасының Мәдениет қайраткері. Қазақстан Республикасының Білім беру ісінің үздігі және құрметті қызметкері. Қ.И. Сәтбаев, Ш.Ш. Уәлиханов және академик А.И. Бараев атындағы (Бірінші сыйлығы мен алтын медалінің бірге берілуімен) Мемлекеттік сыйлықтардың лауреаты. Экономика саласын, ғылымды және жоғары білімді дамытудағы сіңірген еңбегі үшін, сондай-ақ белсенді қоғамдық қызметі үшін "Құрмет" және "Ахмет Байтұрсынұлы" Ордендерімен марапатталған. "Ерен еңбегі үшін", "Еңбек ардагері" Мемлекеттік медальдарымен және жеті мемлекеттік мерейтойлық медальдармен, сондай-ақ Қазақстан Республикасы ғылым және жоғары білім министрлігінің сегіз төсбелгісімен марапатталған. Жаратылыстану және гуманитарлық ғылымдардағы үздік жетістіктері үшін В.И. Вернадский атындағы алтын медальмен және Ресей Жаратылыстану Академиясының (РФ) "Ғылым мен білімнің еңбек сіңірген қайраткері" құрметті атағымен марапатталды. Екі рет ҚР Ғылым және жоғары білім министрлігінің "Жоғары оқу орнының үздік оқытушысы" мемлекеттік гранты мен атағының иегері (2008, 2019). Қазақстан Республикасы Ғылым және жоғары білім министрлігінің Гуманитарлық ғылымдар саласындағы ғылым мен техниканың дамуына зор үлес қосқан ғалымдар мен мамандарға арналған мемлекеттік ғылыми стипендия иегері. Оның зерттеулері тұрақты даму моделіне көшу мақсатында күрделі әлеуметтік- экономикалық жүйелерді басқарудың теориялық негіздерін әзірлеу мәселесіне арналған. Ғылыми жетекшілігімен экономикалық мамандықтар бойынша 7 докторлық, 22 кандидаттық, 5 PhD (философия докторы) және 86 магистрлік диссертациялар қорғалды. Өзінің ғылыми мектебін құрды. Ол Қазақстан Республикасында, сондай-ақ жақын және алыс шетелдік рейтингтік басылымдарда 450-ден астам ғылыми және әдістемелік жұмыстарды жариялады, оның ішінде 30-дан астамы ғылыми монографиялар мен жоғары оқу орындарының экономикалық мамандықтарына арналған 18 оқулықтар мен оқу құралдары, 5 авторлық куәлігі, Хирш инде