Сауданбекова Шынар Тұрғанбекқызы — шығыстану ғылымының докторы (PhD), жапонтану саласының маманы, Қиыр Шығыс зерттеулері бағыты бойынша оқытушы-ғалым. 2003 жылы әл-Фараби атындағы Қазақ ұлттық университеті Шығыстану факультетін «Шығыстану» мамандығы бойынша тәмамдады. 2003–2009 жылдары Т. Рысқұлов атындағы Қазақ экономикалық университеті оқытушылық қызмет атқарды. 2009 жылдан бастап әл-Фараби атындағы Қазақ ұлттық университеті Шығыстану факультетінің жапон бөлімінде оқытушы болып еңбек етті. 2012 жылы Халықаралық жапон қоры гранты аясында Жапонияның Урава қаласында алты айлық біліктілікті арттыру бағдарламасынан өтті. 2014–2016 жылдары Қиыр Шығыс кафедрасында аға оқытушы, сондай-ақ оқу ісі және әдістемелік жұмыстар бойынша кафедра меңгерушісінің орынбасары қызметтерін атқарды. 2016 жылы әл-Фараби атындағы Қазақ ұлттық университетінде «Шетел филологиясы» мамандығы бойынша магистратураны аяқтады. Сол жылы Цукуба университеті жанындағы біліктілікті арттыру бағдарламасы бойынша тағылымдамадан өтіп, сертификат иегері атанды. 2015 жылы қыркүйекте Р.Б. Сулейменов атындағы Шығыстану институты мен ҚазҰУ бірлескен білім беру бағдарламасы аясында докторантураға қабылданды. Докторантура барысында Жапонияның білім беру жүйесі мен дәстүрлі мәдениетіне арналған халықаралық ғылыми конференцияларға қатысып, ғылыми мақалалар жариялады. 2020 жылы «Шығыстану» мамандығы бойынша докторантураны аяқтап, философия ғылымдарының докторы (PhD) дәрежесін алды. 2021–2023 жылдары Қиыр Шығыс кафедрасында аға оқытушы әрі жапон бөлімінің меңгерушісінің орынбасары қызметін атқарды. 2024 жылдың қыркүйегінен бастап Қиыр Шығыс кафедрасының меңгерушісі. 2025 жылдан — аталған кафедраның аға оқытушысы.