Өмірбаян Қурманбаев Олжас 1990 жылы Алматы обылысы, Еңбекшіқазақ ауданы, Асысаға ауылында дүниеге келді. 2007 жылы Т.Қабылов атындағы орта мектепті үздік аяқтап, Алматы қаласындағы Қазақ Бас Сәулет Құрылыс Академиясының «Құрылыс» мамандығына оқуға түсті. Оқу барысында университет қабырғасында өткен түрлі қоғамдық шараларға белсене атсалыса жүріп, өзін жақсы қырларынан таныта білді. 2011 жылы оқуды ойдағыдай аяқтап, сол жылы әл-Фараби атындағы Қазақ ұлттық университетінің «Геодезия» мамандығы бойынша магистратураға түсті. Сол жылдары Олжастың ғылыми зерттеу жұмысының негізінде 3 ғылыми мақалалары да жарық көрді. Диссертациясын доцент О.А. Сарыбаевтың жетекшілігімен «Кенді ашық әдіспен өндірудің геодезиялық қамтамасыз етуді жетілдіру» деп алып, осы зерттеу жұмысын жан-жақты қарастырып, жоғары дәрежеде қорғап шықты. Оқу аяқталысымен ЖШС «СУНКАР» аты құрылыс компаниясында құрылыс инжинері болып қызмет атқарды. 2014-2022 жылдары Қ.И. Сатпаев атындағы Қазақ ұлттық университетінде «Геодезия» мамандығы бойынша PhD доктарантура оқып диссертациясын қорғады. Сол жылдары диссертацияның негізгі мазмұны бойынша 28 ғылыми жұмыс, оның ішінде 8 мақала Қазақстан Республикасы білім және ғылым министрлігінің білім және ғылым саласындағы бақылау комитеті ұсынған журналдарда, 17 мақала халықаралық ғылыми-тәжірибелік конференциялар жинақтарында, 2 мақала Scopus базасы мәліметінде жарияланған және 1 ұжымдық монографияда жарық көрді. Диссертация т.ғ.д профессор М.Б. Нурпеисованың жетекшілігімен «Инженерлік құрылыстардың деформацияларын бақылаудың геодезиялық әдістерін жетілдіру» (Майқайың кенорны жағдайында) атты зерттеу жұмысын жан-жақты қарастырып, жоғары дәрежеде қорғап шықты. 2017-2019 жылы аралығында ЖШС «Риголит» аты құрылыс компаниясында инженер геодезист болып қызмет атқарды. 2019 жылдан бастап осы күнге дейін География және табиғатты пайдалану факультеті, картография және геоинформатика кафедрасында доцент м.а. болып қызмет атқаруда.