Амангелді Нұргүл 1987 жылдың 26 қаңтарда дүниеге келген, ұлты – қазақ. 2009 жылы Әл – Фараби атындағы қазақ ұлттық университетінің «050112-Химия» мамандығы бойынша бакалавриатын тәмамдаған. Біліктілігі – химия пәнінің мұғалімі. 2012 жылы Ұлыбритания мемлекетінің Камбрия университетінің «Жаңартылатын энергия көзі» атты жаздық курсын сәтті тәмамдады. 2012-2013 жылдары ШЫҰ бағдарламасы бойынша Мәскеу қаласындағы Ресей халықтар достығы университетінде академиялық ұтқырлықтан өтті. 2015-2017 жылдары Erasmusmundus Casia 3 бағдарламасы бойынша Нидерланды мемлекетінің Вагенинген университетінде академиялық ұтқырлықтан өтті. 2016 жылы Белгия мемлекетінің Гент университетінде ғылыми жетекші PhD Абделфаттах Амер Дабабат жетекшілігімен 2 айлық тағылымдамадан өтті. 2016 жылы Түркия мемлекетінің CIMMYT орталығының 5-ші халықаралық бидай патогендерінің шеберлер сыныбының қатысушысы. 2017 жылы ғылыми жетекші CIMMYT орталығының басшысы, PhD Абделфаттах Амер Дабабат жетекшілігімен, Эскишехир зертттеу институтында (Туркия), сонымен қатар, Абаннат Изет университетінде, фитонематодты идентификациялау бойынша 2 айлық тағылымдамадан өтті. 2017 жылы Морокко мемлекетінің Агадір қаласындағы 6-шы дәнді дақылдар симпозиуымының негізгі баяндаушысы. 2018-2019 жылдары Түркия мемлекетінің Нийде Омер Халесдемир университенің Айхан Шахинг грант иегері. 2015-2017 жылдар аралығында Ж.Жиембаев атындағы «Қазақ өсімдік қорғау және карантин» ғылыми зерттеу институтында ғылыми зерттеулерді гранттық қаржыландыру бағдарламасының негізінде жүзеге асқан төмендегі ғылыми жобаның жауапты орындаушысы болған: «Қазақстан Республикасы фитосанитарлық қауіпсіздікті иновациялық ғылыми- техникалық қамтамасыздандыру». Түркиядағы Нийде Омер Халесдемир университенің ғалымдарымен бірлесе отырып, «Алматы және Шығыс Қазақстан облыстарында картоп нематодасын (Globodera spp.), анықтау, сәйкестендіру және экологиялық тәуекелдерге бейімдеу» тақырыбы бойынша 40 жасқа дейінгі жас ғалымдардың гранттық жобасына жетекші ретінде конкурсқа қатысты. Қазіргі кезде, Жас ғалымның ғылыми зерттеу нәтижелерін Халықаралық бидай және жүгері жақсарту ұйымы бидай патотиптерін жоспарлау және жобалау жұмыстарында пайдаланып отыр.