Мен Үсіпбаев Нұрлан Бегазімұлы 1979 жылы 17 қазанда Оңтүстік Қазақстан облысы Түлкібас ауданы Құлан ауылында дүниеге келдім. 1997 жылы орта мектепті бітірдім. 1997-1999 жылдары Түлкібас аудандық колледжінің "Бухгалтерлік есеп және аудит" мамандығы бойынша білім алдым. 1999-2003 жылдары Әл-Фараби атындағы Қазақ ұлттық университетін "Экономика және Менеджмент"мамандығы бойынша оқып, бітірдім. 1999-2005 жылдары Қазақ ұлттық аграрлық университетін "Жер ресурстарын басқару және жерге орналастыру" мамандығы бойынша оқып, бітірдім. 2005 жылдан 2008 жылға дейін "Алматыжер" МКК жетекші маманы болып жұмыс істедім. 2008 жылдан 2013 жылға дейін "Алматы қаласы жер қатынастары басқармасының" бас маманы болып жұмыс істедім. 2006-2008 жылдары Қазақ ұлттық аграрлық университетінде "Агрономия" мамандығы бойынша магистратураны бітірдім. 2013 жылдан 2016 жылға дейін Қазақ ұлттық аграрлық университетінде "Агрономия" мамандығы бойынша PhD оқыдым. 2017 жылдың ақпан айында докторлық диссертациясын қорғап, ауыл шаруашылығы ғылымдарының PhD докторы дәрежесін алдым, 18 ғылыми мақала жарияладым. 2016-2022 жылдары Қазақ ұлттық зерттеу аграрлық университетінің "Жер ресурстары және кадастр" кафедрасында аға оқытушы болып жұмыс істедім. 2013-2020 жылдары "Теңізшевройл" ЖШС ("Болашақ"ЖШС) аға маманы болып жұмыс істедім. 2021 жылдың 1 наурызынан 1 тамызына дейін "Қазғзижик" ЖШС "Жемшөп өндірісі" бөлімінің аға ғылыми қызметкері болып жұмыс істедім. 2022 жылдың 1 қыркүйегінен бастап қазіргі уақытқа дейін Әл-Фараби атындағы Қазақ ұлттық университетінің "География, жерге орналастыру және кадастр" кафедрасының аға оқытушысы болып жұмыс істеймін. Үйленгенмін 2 балам бар.