Мусагалиева Айжан Ниазбековна 2004 жылы әл-Фараби атындағы Қазақ ұлттық университетінің «Экология» мамандығы бойынша оқуға түсіп, 2008 жылы бітірді. 2008-2010 жылдар аралығында әл- Фараби атындағы Қазақ ұлттық университетінің жалпы университеттік магистратурасында «Экология» мамандығы бойынша оқыды. 2011 жылы әл-Фараби атындағы Қазақ ұлттық университетінің география және табиғатты пайдалану факультетінің география, жерге орналастыру және кадастр кафедрасына «6D060900-География» мамандығы бойынша PhD докторантурасына түсті. 2015 жылы А.Н. Мусагалиева докторлық диссертациясын сәтті қорғады. «Каспий өңірінің мұнай-газды игеру аумақтарының экологиялық жағдайын бағалау және басқарудың географиялық негіздері (Атырау облысының мысалында)» тақырыбы бойынша. 2016 жылы Мусагалиева Айжан Ниазбековнаға философия докторы (PhD) ғылыми дәрежесі берілді. 30-дан астам ғылыми еңбектері бар, оның ішінде Scopus және Web of Science деректер қорында 5 жарияланым бар. Ғылыми жобаларда тәжірибесі бар. 2018 жылы Мусагалиева А.Н. география және табиғатты пайдалану факультетінің география, жерге орналастыру және кадастр кафедрасына аға оқытушы болып қабылданды. Келесі пәндер бойынша бакалавриат, магистратура және PhD докторанттарына қазақ, орыс және ағылшын тілдерінде сабақ береді: биогеография, геоботаникалық зерттеулер, жер мониторингі және агроэкология, қашықтықтан зондтау арқылы жер мониторингі, географияның теориялық және әдістемелік мәселелері, жер ресурстарын экологиялық және экономикалық бағалау, жер пайдаланудағы ландшафттық-экологиялық дизайн, жер пайдалануды реттеудің теориялық және әдістемелік негіздері, геокеңістіктік табиғатты басқару, ландшафттық-экологиялық жобалау, аймақтың қалалық геожүйелері: ландшафт құрылымы, типологиясы, жерді пайдалануды оңтайландыру, тұрақты дамудың негізі ретінде экологиялық қауіпсіздік. 2020 жылдан бастап әл-Фараби атындағы ҚазҰУ география, жерге орналастыру және кадастр кафедрасы меңгерушісінің ғылыми-инновациялық қызмет және халықаралық байланыстар жөніндегі орынбасары.