Мамедова Фатима Зильпикарқызы 2003 жылы Абылай хан атындағы Қазақ халықаралық қатынастар және әлем тілдері университетінің шығыстану филологиясы факультетін үздік бітірді. Сол жылы грант жеңіп алып, 2003 жылғы 9 тамыз бен 3 қыркүйек аралығында Каир университетінде (Каир қ., Мысыр) халықаралық тағылымдамадан өтті. 2009 жылы «Антонимияның когнитивтік табиғаты және оның әртүрлі құрылымды тілдердегі дискурстық жүзеге асуы» тақырыбында (араб және орыс тілдері материалы негізінде) кандидаттық диссертациясын сәтті қорғады. Жоғары оқу орнындағы педагогикалық еңбек өтілі – 21 жыл. 2021–2022 оқу жылында конкурс негізінде әл-Фараби атындағы Қазақ ұлттық университетінің шығыстану факультеті Таяу Шығыс және Оңтүстік Азия кафедрасына аға оқытушы қызметіне қабылданды. 2025 жылдың мамыр айынан бастап аталған кафедрада доцент қызметін атқарады. 25- тен астам ғылыми мақаласы жарияланған, оның ішінде 5-уі уәкілетті орган ұсынған басылымдарда, 2-уі Scopus деректер базасына енгізілген журналдарда жарық көрген. Scopus базасы бойынша Хирш индексі – 3. 2023 жылдың қаңтар айында Сауд Арабиясының Эр-Рияд қаласындағы Халықаралық араб тілі академиясында біліктілігін арттыру курсынан өтті. Сауд Арабиясында (2023), Біріккен Араб Әмірліктерінің Шарджа қаласында өткен инвесторлар форумының съездерінде (2024, 2025), сондай-ақ Әзербайжанда өткен халықаралық ғылыми іс-шараларда (2025) белсенді қатысты. 2013–2023 жылдары Республикалық студенттік пәндік олимпиаданың қазылар алқасының мүшесі болды. 2021–2024 жылдары кафедра бойынша студенттердің ғылыми-зерттеу жұмыстарына жауапты болды. Оның жетекшілігімен студенттер республикалық олимпиадаларда бірнеше мәрте жүлделі орындарға ие болды. 2023 жылы әл-Фараби атындағы ҚазҰУ студенттері оның жетекшілігімен Катардың Доха қаласында өткен халықаралық араб тіліндегі пікірсайыс олимпиадасында араб тілін ана тілі ретінде қолданбайтын елдер арасында 3-орын иеленді. 2015 жылдан бастап Qatar Debate, Ислам ынтымақтастығы ұйымы (ОИС) және Біріккен Ұлттар Ұйымы (БҰҰ) модельдері негізінде араб тілінде өтетін халықаралық олимпиадалар мен пікірсайыс турнирлеріне студенттерді дайындау бойынша сертификатталған жаттықтырушы болып табылады.