Өмірбаян

Мен, Ускеленова Асель Талаповна, 08.08.1974 жылы Алматы қаласында (Алма-Ата) қызметкер отбасында дүниеге келгенмін. Ұлтым – қазақ. Білім беру траекториясы: 1981 жылдың қыркүйегінде Тараз (Жамбыл) қаласындағы №2 орта мектептің 1-сыныбына қабылданып, 1991 жылдың мамыр айында аталған мектепті бітірдім; 1991–1996 жылдары Тараз (Жамбыл) қаласындағы Жамбыл жеңіл және тамақ өнеркәсібі институтында 0714 – «Халықаралық экономикалық қатынастар» мамандығы бойынша білім алдым; 1998–2002 жылдары Қазақстан Республикасы Білім және ғылым министрлігі Ғылым комитетінің Экономика институтының аспирантурасында 08.00.01 – «Экономикалық теория» мамандығы бойынша оқыдым, 2004 жылы «Ұлттық экономикаға инвестиция тарту мәселелері: теория және практика» тақырыбында кандидаттық диссертациямды қорғадым, ғылыми жетекшім – академик Қошанов А.К.; 08.08.2010 жылы 08.00.01 және 08.00.05 мамандықтары бойынша «Циклдық даму және жаһандану жағдайындағы экономикалық өсу: теория, әдіснамалық тәсілдері, басқару тетіктері (ҚР мысалында)» тақырыбында докторлық диссертация қорғадым. 13.07.2011 ж. №5 хаттама негізінде экономикалық ғылымдар докторы ғылыми дәрежесі берілді. Ғылыми кеңесші – академик Мамыров Н.К. Кәсіби қызығушылық салалары: экономикалық өсудің қарқыны мен демократия деңгейінің мәселелері, білім экономикасы, «жаңа экономиканың» (экономиканың өңдеуші секторындағы кәсіпорындар) өсу нүктелерін қалыптастыру, Қазақстанның ауыл шаруашылық мамандануы, бизнесті және әйелдер кәсіпкерлігін дамыту мәселелері мен мүмкіндіктері.