1983 жылдан бастап зерттеу, ғылыми-ұйымдастыру, педагогикалық, практикалық қызметпен айналысады. 1983 жылдан бастап 1990 жылға дейін Қазақ ауыл шаруашылығы институтында басқару және құқық кафедрасының ассистенті, аға оқытушысы, ал кейін экономикалық факультет деканы орынбасарының м.а. болып жұмыс істеді. 1990 жылдан бастап 1993 жылға дейін К.А. Тимирязев атындағы Мәскеу Ауыл шаруашылығы академиясының күндізгі аспирантурасында оқыды. 1994 жылдың қаңтар айында М.В. Ломоносов атындағы Мәскеу мемлекеттік университетінің заң факультетінде «Шаруа қожалықтарының құқықтық жағдайы (Ресей Федерациясының материалдарында)» тақырыбында заң ғылымдарының кандидаты ғылыми дәрежесін ізденуге диссертацияны қорғады. Ғылыми жетекшісі болып Первушин А.Г., заң ғылымдарының докторы, профессор, К.А. Тимирязев атындағы Мәскеулік ауылшаруашылық академиясының Басқарудың құқықтық негіздері кафедрасының меңгерушісі, аграрлық және жер құқығы саласындағы ірі ғалым, ауыл шаруашылығына арналған жоғары оқу орындарының кеңес құқығы бойынша көптеген оқулықтардың авторы болды. Сонымен қатар, ғылыми кеңесші ретінде заң ғылымдарының докторы, профессор, Қазақ мемлекеттік заң академиясының оқу ісі жөніндегі проректоры, колхоз және жер құқығы саласының атақты ғалымы Сахипов М.С. болды. Ресми оппоненттері ретінде Козырь М.А., кеңестік және ресейлік заңтанушы-ғалым, заң ғылымдарының докторы, профессор, Ресей Кеңестік Федерациялық Социалистік Республикасының еңбек сіңірген қайраткері, сонымен қоса Лисин С.А., заң ғылымдарының кандидаты, доцент қатысты. Жетекші ұйым ретінде Ресей Федерациясы Үкіметі жанындағы Заң шығару және салыстырмалы құқық институты болды. Кәсіби жұмыс тәжірибесі. Диссертацияны қорғағаннан кейін ҚР Әділет министрлігінің Соттар жұмысын ұйымдастыру басқармасының ұйымдастырушылық-аналитикалық бөлімінің жетекші, ал кейін бас консультанты болып жұмыс істеген. 1994 жылы ҚР Президентінің Жарлығымен ҚР ӘМ жанындағы Қазақ мемлекеттік заң институты құрылған кезде азаматтық құқық кафедрасының доценті лауазымына ауысты. 1994 жылдан 2000 жылға дейін Қазақ мемлекеттік заң академиясының құқық қорғау органдары факультетінің деканы, сот-прокурорлық факультет деканы, кәсіпкерлік-құқықтық факультеті деканы лауазымдарын атқарды. Қазақ мемлекеттік заң университетінде Ақмола, Солтүстік Қазақстан және Атырау облыстарының өңірлік қабылдау комиссиясының төрағасы болды.