2018 жылы «6D051700–Инновациялық менеджмент» мамандығы бойынша Философия докторы (PhD) дәрежесін алды. 08.00.00 – Экономика мамандығы бойынша қауымдастырылған профессор (доцент) ғылыми атағына ие. 2018-2024 жж. Экономика және бизнес жоғары мектебі деканының ғылыми- инновациялық жұмыс және халықаралық қатынастар жөніндегі орынбасары қызметін атқарды. «Менеджмент» кафедрасының қауымдастырылған профессоры. 2018 жылдан бастап Erasmus+ «Enhancement of Higher Education and Corporate Sectors Integration in Accordance with New Social Environment – ENINEDU» халықаралық жобасының институционалдық координаторы болып жұмыс істеді (бюджеті 814 000 евродан астам). Швейцарияның MOVETIA агенттігі қаржыландыратын "Connect Eurasia" жобасының институционалдық координаторы. Erasmus+ ICM халықаралық кредиттік ұтқырлық жобаларының қатысушысы. Испания, Ұлыбритания, Грекия, Франция, Нидерланды, Польша, Словакия, Австралия, Португалия, Индонезия, Швейцария елдерінде тағылымдамадан өткен. Сингапур, Ресей, Корея, Норвегия, Эстониядағы халықаралық конференцияларға қатысқан. Әл-Фараби атындағы ҚазҰУ-дың 75 жылдығына орай университеттің дамуына қосқан үлесі үшін медальмен марапатталған. «Әл-Фараби атындағы ҚазҰУ-дың үздік жас ғалымы – 2019» конкурсының жеңімпазы. «Жас ғалымдарға арналған мемлекеттік ғылыми стипендия» иегері. "ЖОО үздік оқытушысы - 2022" атағының иегері. 2023-2024 оқу жылында "Болашақ" бағдарламасының "500 ғалым" жобасы аясында Эксетер университетінде (Ұлыбритания) ғылыми тағылымдамадан өтті. 2019 жылдан бері экономикалық мамандықтар тобы бойынша Диссертациялық кеңестердің тұрақты және уақытша мүшесі. ҚР ҒжЖБ ұсынатын тізімге кіретін «ҚазҰУ хабаршысы. Экономика сериясы», Eurasian Journal of Economic and Business Studies журналдарында редакциялық алқаның мүшесі."Farabi Journal of Social Sciences" журналының редакторы (2022-2024). ҚР БжҒМ ҒК қаржыландыратын «Қазақстанда циркулярлы экономиканы дамыту: әлеуеті, үдерістері, келешегі» (2021-2023 жж), "Қазақстандық кәсіпорындардағы жауапты өндіріс ТДМ-12 қол жеткізу құралы ретінде: әлеуетін бағалау және даму перспективалары" (2023-2025) гранттық жобаларының ғылыми жетекшісі. Қазақ, орыс жəне ағылшын (IELTS – 8.0) тілдерін жетік меңгерген. Ғылыми зерттеулері инновациялық менеджменттің өзекті мәселелерімен байланысты, сондай-ақ циркулярлы экономиканы дамыту, тұрақты даму мәселелері, мемлекеттік және жергілікті басқару тақырыптарын да қамтиды. Хирш индексі Scopus базасында – 9, Web of Science – 5.