Сартаев Спатай Алтынбекұлы Алматы қаласында туылған, ұлты қазақ. Сартаев Спатай Алтынбекұлы 1996 жылы әл-Фараби атындағы Қазақ мемлекеттік ұлттық университетінің заң факультетіне түсіп, 2000 жылы аталған университетті «құқықтану» мамандығы бойынша тәмәмдады. 2002 жылы Қожа Ахмет Яссауи атындағы Халықаралық қазақ-түрік университетінің заң факультетінің магистратурасына түсіп, 2004 жылы үздік дипломмен бітіріп, құқық магистрі атағына ие болды. 2001 жылы Іле Алатау мемлекеттік ұлттық табиғи бағында инспектор-бақылаушы қызметін атқарды. 2001-2007 жылдың аралығында Темірбек Жүргенов атындағы Қазақ ұлттық өнер академиясында аға оқытушы қызметін атқарып келді. 2007 жылдың қыркүйек айынан бастап бүгінгі таңға дейін әл-Фараби атындағы Қазақ ұлттық университетінің заң факультетінің мемлекет және құқық теориясы мен тарихы, конституциялық және акімшілік құқық кафедрасының аға оқытушы, доцент м.а., 2011 жылдың қыркүйек айынан бастап кафедра меңгерушісінің оқу-әдістемелік және тәрбие жұмысы бойынша орынбасары қызметтерін атқарып келді. С.А. Сартаев 2009 жылы з.ғ.д., профессор А.С. Ибраеваның ғылыми жетекшілігімен 12.00.01 – мамандығы бойынша «Кәмелетке толмағандардың құқықтық санасының қалыптасу ерекшеліктері» тақырыбындағы кандидаттық диссертациясын қорғады. С.А. Сартаев Мемлекет және құқық теориясы, ҚР мемлекет және құқық тарихы, шет ел мемлекеттерінің мемлкет және құқық тарихы, құқықтық мәдениет және құқықтық тәрбие пәндерінен мемлекеттік және орыс тілдерінде дәрістер оқиды және тәжірибе сабақтарын жүргізеді. С.А. Сартаевтың арнаулы ғылыми баспасөз беттерінде 40-ға жуық ғылыми мақаланың авторы болып табылады. Ол үнемі өз білімін және кәсіби біліктілігін жетілдіруге көңіл бөліп отырады. С.А. Сартаев студенттердің, әріптестерінің арасында жоғары беделге ие, факультеттің, университеттің қоғамдық жұмыстарына белсенді ат салысады. 2007 жылдан бері куратор-эдвайзер. С.А. Сартаев жауапкершілігі мол, абыройлы маман иесі. Жалпы жұмыс стажы – 20 жыл, оның ішінде ғылыми педагогикалық – 16 жыл.