Автобиография

Ғалия Тілеубергенқызы Майкотова 1971 жылы туған, ұлты қазақ, әл-Фараби атындағы Қазақ ұлттық университетінің журналистика факультеті Баспаcөз және электронды БАҚ кафедрасының доценті, 2010-2011 жж.кафедра меңгерушісінің оқу, оқу-әдістемелік және тәрбие жөніндегі орынбасары. Ол әл-Фараби атындағы Қазақ ұлттық университетінің журналистика факультетін 1993 жылы бітірген. 1992-93 ҚазТАГ-та штаттан тыс тілші болып қызмет атқарды. 2003 жылы ақпанда Ғ.Майкотова “Қ.Бекхожин – журналист, публицист” атты кандидаттық диссертациясын қорғап, осы жылдың 1-қыркүйек айынан бастап журналистика тарихы кафедрасында оқытушылық қызметін атқарды. Осы мерзім ішінде ол 1-4 курс студенттеріне “Қазақ журналистикасының тарихы”, “Отандық публицистика тарихы”, «Шетел журналистикасының тарихы» атты жалпы курсы мен арнаулы курстардан дәрістер мен семинар сабақтарын жүргізді. Магистратура бөлімінің студенттеріне “Публицистика тарихының қоғамдық-саяси ақпарат таратудағы қызметі” атты арнаулы курсынан дәріс оқыды. Студенттер арасында беделді. Ол факультетте 2008 жылдан бастап бүгінгі күнге дейін магистратура және докторантура бөлімінің жетекшісі болып қоғамдық жұмыс атқарды. Сонымен қатар Ғ.Майкотова “Қазығұрт” баспасының “Ұстаздар сериясы” бөлімінен жарыққа шыққан Р.Бердібайдың “Эпос- ел мұраты” (I-том) (2004), Ш.Мұртазаның “Ай мен Айша” (IY-том) (2004), Ұ.Есдәулеттің “Киізкітап” өлеңдер жинағы (III-том) (2004), Т.Молдағалиевтің “Көптомдық өлеңдер жинағы” (2004) т.б. бірнеше томдық кітаптардың редакторы болды. Қазір кафедрадан жарық көретін «Отандық журналистика тарихы» халықаралық ғылыми-зерттеу журналы мен магистранттарға арналған «Жас ғалым» ғылыми журналдарының жауапты редакторы. 1 монографиялық еңбегі бар. 40-қа жуық ғылыми және басқа да жанрларда жарық көрген мақалалары бар. Ғ.Майкотова «Интерфакс» агенттігі, «Қазақ энциклопедиясы», «Алматы ақшамы», «Айқын» республикалық қоғамдық-саяси басылымдарымен тығыз байланыс жасайды. 2008 жылы Ғ.Т.Майкотова журналистика факультетінің 6N0504 – ЖУРНАЛИСТИКА мамандығы бойынша магистратура бөліміне арналған Қазақстан Республикасының Жалпыға міндетті білім беру стандартын жасауға автор ретінде қатысты.