Сарыбаев Мейрам Сейсенбайұлы, 1981 жылы Талдықорған облысы, Кербұлақ ауданы, Жоламан ауылында дүниеге келді. 1999 жылы әл-Фараби атындағы Қазақ мемлекеттік ұлттық университетінің тарих факультетіне түсіп, 2003 жылы үздік бітірдім. 2003-2005 жылдары осы университеттің тарих факультетінде магистратурада оқып, «тарих магистрі» біліктілігін алды. 2005-2007 жылдары әл-Фараби атындағы ҚазҰУ-дың халықаралық қатынастар факультетінде білім алып, «халықаралық қатынастар магистрі» академиялық дәрежесіне ие болды. 2007-2010 жылдары ҚазҰУ тарих факультетінің PhD докторантурасында оқып, 2010 жылы «Қазақстан Республикасы мен Орталық Еуропаның постсоциалистік мемлекеттерімен қарым-қатынасының даму тарихы (1991-2009 жж.)» тақырыбында докторлық диссертация қорғадым және «тарих, дүниежүзі тарихы» мамандығы бойынша PhD дәрежесін алды. Еңбек жолын 2003 жылы Алматы қаласының №15 лингвистикалық гимназияда тарих пәнінің мұғалімі ретінде бастадым. Кейін Ш. Уәлиханов атындағы Тарих және этнология институтында, әл-Фараби атындағы ҚазҰУ-да, С. Асфендияров атындағы ҚазҰМУ-да, Қ.И. Сәтпаев атындағы ҚазҰТЗУ мен Нархоз университетінде қызмет атқардым. 2026 жылғы 1 қыркүйектен бастап әл-Фараби атындағы Қазақ ұлттық университетінің Халықаралық қатынастар және әлемдік экономика кафедрасында доцент міндетін атқарушымын. 40-тан астам ғылыми мақала жарияладым. «История Казахстана» дәрістер курсының авторларының бірімін. 2018 жылы «Республика Казахстан и страны Вышеградской четверки: история становления отношений» атты ғылыми монографиям жарық көрді. Варшава университетінде ғылыми тағылымдамалардан өтті. 2012-2013 жылдары Польша үкіметінің жас ғалымдарға арналған грантының, ал 2018-2019 жылдары Lane Kirkland америкалық-польшалық ғылыми бағдарламасының грантының иегері болдым және Мария Склодовская-Кюри университетінде тоғыз айлық тағылымдамадан өтті.