Кожақметова Үміт Касымжановна 1969 жылы Алматы облысының Сүмбе ауылында дүниеге келді. 1986 жылы мектепті күміс медальмен бітіріп, 1987 жылы Киров атындағы Қазақ мемлекеттік университетінің география факультетіне түскен. 1992 жылы университетті «География» мамандығы бойынша тамамдап, 1992-1997 жж осы университеттің, география фаультетінің, геоморфология кафедрасында инженер қызметін атқарды. 1997 жылы кафедрасының тәлімгер зерттеуші қызметіне ауыстырылып, 1998 жылы күндізгі аспирантура бөліміне қабылдады. 2001 жылы оны бітірген соң кафедрада 1 дәрежелі маман қызметін атқады. 2004 – 2011 жж. картография және геоинформатика кафедрасының оқытушысы, ал 2011 жылдан бастап аға оқытушы қызметін атқарып жүр. 2016 жылы 6М074100- Картография мамандығы бойынша магистратураны аяқтады. Қазіргі кезде Кожахметова У.К. картография және геоинформатика кафедрасында жоғары ғылыми-әдістемелік деңгейде қазақ тілінде «Геология негіздері», «Экзоморфогенез негіздері», «Экологиялық картографиялау», «Картографиялы-геодезиялық өндірісті ұйымдастыру және экономика», «ГАЖ –ды жобалау және пайдалану», «Картографиядағы ГАЖ», «ГАЖ аспаптық құрылымдары» сияқты картографиялық пәндерден дәріс оқып, лабораториялық сабақ жүргізеді. Ғылыми зерттеу жұмысының негізгі бағыты- Орталық Қазақстанның тау жыныстарының литологиялық ерекшеліктері, олардың қалыптасуының палеогерграфиялық жағдайлары. Баспадан 40 астам ғылыми мақалалары, 2 оқу-әдістемелік оқу құралы, 3 оқу құралы, 2 монографиясы шықты. Мембюджеттік ғылыми тақырыптағы «Қазақстанның аридты зонасының платформалық- денудациялық жазықтарындағы экологиялық- геоморфологиялық жүйелері» атты жобасына қатысты. Қазіргі уақытта Халықаралық және республикалық ғылыми конференциялар мен семинарларға белсене қатысады. Кафедрадағы СМК жауапты, жұмысында белсенді.