Менің атым Бахыт Мөлдір. Мен әл-Фараби атындағы Қазақ ұлттық университетінде «Картография» мамандығы бойынша бакалавриат пен магистратураны аяқтадым. Қазіргі уақытта ҚазҰУ-дың PhD докторантымын, «Картография» білім беру бағдарламасы бойынша білім алудамын. Ғылыми қызметім геоақпараттық жүйелер, Жерді қашықтан зондтау және картографиялау салаларымен байланысты. Диссертациялық зерттеу тақырыбым Жерді қашықтан зондтау деректері негізінде агроландшафтарды технологиялық картографиялау мәселесіне арналған. Оқу барысында оқытушылық және ұйымдастырушылық қызметпен қатар айналысамын, студенттермен жұмыс істеймін, ғылыми семинарлар мен конференцияларға және академиялық іс-шараларға қатысамын. Оқу-әдістемелік және ғылыми материалдарды дайындау, сондай-ақ халықаралық ғылыми ынтымақтастыққа қатысу тәжірибем бар. Кәсіби дамуға, ғылыми салада тереңдеуге және білім беру мен ғылымда заманауи цифрлық технологияларды қолдануға ұмтыламын.