Мінездеме Мен, Момбекова Нұрбақыт Бодауханқызы, 1992 жылы Абылай хан атындағы Қазақ халықаралық қатынастар және әлем тілдері университетінің ағылшын тілі факультетін тәмамдадым. Еңбек жолымды 1998 жылы Тараз қаласындағы М.Х. Дулати атындағы Тараз мемлекеттік университетінде ағылшын тілі пәнінің оқытушысы ретінде бастадым. 2002-2015-ші жылдар аралығында Абылай хан атындағы Қазақ Халықаралық Қатынастар және Әлем Тілдер Университеті, «Педагогика» факультетінде жұмыс жасадым. 2014 жылы жоғары оқу орнындағы білімімді жалғастырып, Абылай хан атындағы Қазақ халықаралық қатынастар және әлем тілдері университетінің магистратурасын «Шетел тілі: екі шет тілі» мамандығы бойынша аяқтадым. Магистрлік диссертациям «Жобалық әдістеме негізінде мәдениетаралық коммуникативті құзыреттілікті қалыптастыру» тақырыбында жазылды. Бұл зерттеу қазіргі уақытта шет тілдерін оқытудың өзекті әрі тиімді тәсілдерінің бірі болып саналады. Біліктілігімді арттыру мақсатында Польшаның Ольштын қаласындағы Вармия және Мазури университетінде ғылыми тағылымдамадан өттім. Бұл сапар барысында шетелдік заманауи педагогикалық технологиялармен танысып, диссертациялық жұмысқа қажетті материалдар жинадым. 2016 жылы ағылшын тілі мұғалімдеріне арналған оқыту әдістемесін бағалайтын Кембридж емтиханын сәтті тапсырдым. Сонымен қатар, 2020 жылы 14 қарашада TOEFL ITP халықаралық емтиханын және сол жылы қараша айында Duolingo English Test халықаралық емтиханын тапсырдым. Ғылыми-зерттеу бағытында 20-дан астам ғылыми мақала, оның ішінде 15 имидждік мақала және 2022 жылы Scopus базасында жарық көрген «Оқу арқылы шет тілі мен мәдениетін оқытудың цифрлық коммуникациялық технологиясы» атты мақалам жарияланды. Оқытушылық қызметпен қатар, университет қабырғасында өткізілетін қоғамдық-тәрбие жұмыстарына да белсенді түрде қатыстым. Сондай-ақ, әл-Фараби атындағы ҚазҰУ, Тараз өңірлік университеті, Атырау университеті және Қытай университеттерімен бірлесіп ұйымдастырылған «Көп ұлтты Қазақстан» атты халықаралық телемост сияқты іс-шараларға да атсалыстым.