Өмірбаян

Мен, Акылова Гульнара Солтанбековна, 1974 жылы Шығыс Қазақстан облысында өмірге келдім. 2000 жылы Абылай хан атындағы Қазақ мемлекеттік халықаралық қатынастар және әлем тілдері университетін «Орта мектептің ағылшын тілі мұғалімі» біліктілігімен аяқтадым. 2003 жылы Абылай хан атындағы Қазақ халықаралық қатынастар және әлем тілдері университетінің «Педагогика» мамандығы бойынша магистратурасын біліктілігімен аяқтадым және «Педагогика магістрі» академиялық дәрежесін алдым. 2003-2017 жылдар аралығында Абылай хан атындағы Қазақ халықаралық қатынастар және әлем тілдері университетінің, Менеджмент және халықаралық коммуникациялар факультетінің, Халықаралық туризм менеджменті кафедрасының оқытушысы қызметін атқардым. 2017 жылдан бастап әл-Фараби атындағы Қазақ ұлттық университетінің, Филология факультетінің, Шетел тілдері кафедрасының аға оқытушысы қызметін атқарып келемін. 2018-2022 жылдар аралығында Шетел тілдері кафедрасының QS сауалнамасының академиялық сарапшылары туралы ақпаратты жинау және өндеу жұмыстарын атқардым. 2020- 2021 оқу жылы Шетел тілдері кафедрасының және Филология факультетінің Әдістемелік бюросының мүшесі болдым. 2023 жылдан бастап Филология факультетінің Білім беру және оқыту сапасы бойынша Академиялық комитетінің мушесімін.