Өмірбаян

Таубаев Жарас Турысбекович Алматы обл., Қаскелен қаласында дүниеге келді. 2007 жылы Абылай хан атындағы Халықаралық қатынастар және Әлем тілдері университетінің «Шетел тілі: екі шетел тілі (ағылшын және қытай тілі)» педагогикалық мамандығына оқуға түседі. 2011 жылы аталған университеттің аталған мамандығын үздік аяқтайды. 2012 жылы әл-Фараби атындағы Қазақ Ұлттық университетінің Филология, әдебиеттану және әлем тілдері факультетінің «6М021000- Шетел филологиясы» мамандығының магистратура бөліміне түседі. 2012 жылы Қытай Халық Республикасында, Шанхай қаласында «Қытай тілі мұғалімдерін даярлау» атты әдістемелік семинарына қатысып, тәжірибеден өтті. 2013 жылы Нью-Йорк қаласында (АҚШ) Колумбия университеті мен «CPLC (Campus)» білім орталығында «Academic skills in English» атты бағдарлама бойынша білім алып, біліктілігін арттырды. 2019 жылы ағылшын тілінде «Eponyms in political discourse: pragmalinguistic aspect» атты докторлық диссертациясын сәтті қорғап, PhD дәрежесін алды. 2012 жылдан 2019 жылға дейін Жалпы тіл білімі және шетел филологиясы кафедрасының оқытушысы, аға оқытушысы қызметін атқарды. 2019 жылдан қазіргі уақытқа дейін Түркітану және тіл теориясы кафедрасының PhD докторы.