Өмірбаян

Контек Айым әл-Фараби атындағы ҚазҰУ-дың Филология және әлем тілдері факультетінің "5В011900 Шет тілі: екі шет тілі" мамандығын 2018 жылы, "6М021300 – Лингвистика" мамандығын 2020 жылы аяқтады. 2022 жылы "8D01705 Шет тілі: екі шет тілі" мамандығында оқуын бастады. Қазіргі уақытта "Жоғары оқу орындарында екі шет тілін қатар оқытудың ғылыми-практикалық негіздері" тақырыбындағы PhD диссертациясымен жұмыс атқаруда. Магистратураны бітірген сәттен бастап Айым Майбекқызы Қазақ Ұлттық Университетінің жалпы тіл білімі және еуропалық тілдер кафедрасында (қазіргі уақытта түркітану және тіл теориясы кафедрасында) оқытушы болып жұмыс істеді. Академиялық ұтқырлық бағдарламасы бойынша Франциядағы Лорен университетінде оқып, Нидерландыдағы Лейден университетінде шетелдік тағылымдамадан өтті. Докторантура бағдарламасы аясында Түркия, Ахи Евран Университетінде 01.04.2024- 01.05.2024 аралығында шетелдік ғылыми тағылымдамадан өтіп, ғылыми жетекшісімен бағыт-бағдар жұмыстарын жүргізді.