Айтжанова Г.Д. 1992 жылы АПИИЯ француз тілі факультетінің француз және неміс тілдерінің мұғалімі мамандығы бойынша бітірді. 1993-1994 жж. Қазақ мемлекеттік әлем тілдері университетінің жоғары педагогикалық курстарында оқып, «Университеттің оқытушысы» біліктілігін алды. 2004 жылы «Қазақ тіліндегі фразеологиялық калька» тақырыбында кандидаттық диссертациясын қорғап, филология ғылымдарының кандидаты ғылыми дәрежесін алды. 1992-2011 жылдар аралығында Абылай хан атындағы Қазақ халықаралық қатынастар және әлем тілдері университетінде үздіксіз қызмет етті. 2011-2016 жылдар аралығында Қ.И.Сәтбаев атындағы ҚазҰТУ шет тілдері кафедрасының меңгерушісі, 2017 жылдан бастап әл-Фараби атындағы ҚазҰУ-де жұмыс істейді. Айтжанова Г.Д. көптеген ғылыми мақалалар мен басылымдардың, соның ішінде техникалық университеттерге арналған оқулықтардың, әдістемелік нұсқаулардың, оқу-әдістемелік кешендердің авторы. Сонымен қатар семинарларға, халықаралық және республикалық ғылыми-практикалық конференцияларға белсенді қатысады. Шетелде бірнеше рет стажировкадан өткен: - 1995 ж. – Ренн қаласында (Франция) лингвистикалық дайындық; - 2001 ж. – «2001 жылғы француз тілінің үздік мұғалімі» байқауының жеңімпазы Руйан (Франция); – 2007 ж. – Тулуза қаласындағы (Франция) Ле Мирайл университетінде ғылыми тағылымдамадан өтті. 2012 жылы Қазақстан Республикасы Білім беру жүйесінің жетекшілері мен ғылыми-педагогикалық қызметкерлерінің біліктілігін арттыру республикалық институтының байқауына қатысып, Ньюкастл университетінде (Ұлыбритания) біліктілігін арттыру грантын жеңіп алды. Университет пен кафедраның қоғамдық өміріне белсене қатысады. Жауапкершілігімен, сауаттылығымен, тиімділігімен, адалдығымен, әдептілігімен ерекшеленеді.