Өмірбаян

Сапаева Гүлжан Едігеқызы Алматы облысы, Еңбекшіқазақ ауданы, Ж.Қайыпов атындағы орта мектепті бітірген. 2000 жылы Әл –Фараби атындағы Қазақ ұлттық университеті, филология факультетінің күндізгі бөліміне түсіп, 2004 жылы қазақ тілі және әдебиеті мамандығы бойынша үздік бітірген. 2004-2006 жылдары аталмыш факультеттің магистратура бөліміне түсіп, оны қызыл дипломмен аяқтаған. 2006-2007 жылдары ҚазҰУ-дың оқу ісі жөніндегі проректордың хатшысы қызметінде жұмыс істеген. 2007-2008 оқу жылынан шетел азаматтарына арналған дайындық факультетінің қазақ тілі кафедрасында қазақ тілі пәнінен дәріс жүргізген. 2007 жылдан қазірге дейін ЖОО- ға дейінгі білім беру факультеті, ЖОО-ға дейінгі дайындық кафедрасында қазақ тілі және оқу сауаттылығы пәндерінен сабақ беріп келеді. Аталған факультетте еңбек өтілі -15 жыл. Сапаева Гүлжан Едігеқызы 1 оқу құралдың, 15-ға жуық ғылыми, 20-ға жуық әдістемелік, 20 шақты имидждік мақаланың авторы. Әдістемелік семинарлар мен конференцияларға тұрақты түрде қатысып, педагогикалық тәжірибесін толықтырып, біліктілігін арттырып отырады. Факультетке келген алғашқы күннен бастап қоғамдық мәдени іс- шараларға белсене араласады. 2008-2018 ж аралығында дайындық кафедрасының сайтына жауапты болған. 2013 жылдан бері ЖОО-ға дейінгі білім беру факультетінің СМЖ жұмыстарына жауапты. «Қызықты старт» спорттық үйірмесінің жетекшісінің бірі. "Заманауи білім берудің тиімді әдістемелері" атты республикалық ғылыми - әдістемелік семинарға ұйымдастырушылардың бірі. 2008-2014 жылдары аралығында "Жер – біздің ортақ үйіміз", 2014 -2019 жылдары "Фараби оқулары" атты студенттердің халықаралық ғылыми конференцияларында 20-ға жуық тыңдаушыларға жетекшілік етіп, тыңдаушылары жүлделі орындарға ие болған. 2008-2022 жылы аралығында өткен "Жер -біздің ортақ үйіміз", "Ғылыми таным және ізденіс", "Фараби оқулары" атты студенттер мен жас ғалымдардың халықаралық ғылыми конференциясын ұйымдастырушы және конференция материалдарының жинағының авторларының бірі. Сапаева Гүлжан Едігеқызы 2016 жылы оқу-тәрбие ісіндегі еңбектері үшін университет ректоры атынан Құрмет грамотасымен марапатталды. Сонымен қатар Алматыдағы Ауғанстанның Бас Консулдығының бірнеше алғыс хаттарының иегері.