Мен, Ахметова Жамалхан Шәлденқызы 1957 жылы 17 наурызда туылдым. 1974 жылы Абай атындағы орта мектепті бітіріп, 1979 жылы Абай атындағы Қазақ педагогикалық институтын физика пәнінің мұғалімі мамандығы бойынша бітіріп шықтым. 1979 жылы жоғарғы оқу орнын аяқтаған соң, Алматы қаласындағы № 5 теміржол мектеп-интернатында физика-математика пәнінің мұғалімі болып жұмыс жасадым. 1987 жылы № 129 мектепте физика- математика пәнінен мұғалім болып ауыстырылып, жаңа мектептің ашылуына байланысты 1990 жылдан бастап №137 қазақ орта мектебінде физика-математика пәнінен сабақ беріп,мектеп директорының оқу ісінің меңгерушісі болып қызмет атқардым.1993- 1995 жылдары №4 техникалық лицейінде жоғарғы санатты мұғалім ретінде физика және математика пәндерінен, 1996 жылдан бастап М. Тынышпаев атындағы Қазақ көлік және коммуникациялар академиясында кабинет меңгерушісі және «Жоғары математика» курсынан сабақ бердім. 2000-2001 оқу жылынан бастап, № 59 қазақ орта мектебінде физика пәні мұғалімі, 2001-2006 оқу жылдарында осы мектепте директордың оқу ісінің меңгерушісі және мектеп директоры қызметін атқардым. 2006-2015 жылдары Абай атындағы Қазақ ұлттық педагогикалық университетінің "Математика, физика және информатиканы оқыту әдістемесі" кафедрасында математиканы оқыту әдістемесі бойынша оқытылатын пәндерден сабақ бере отырып, кафедра меңгерушісінің орынбасары болып жұмыс жасадым.