Асанбаева Айсара Әлібекқызы Қызылорда облысы, Жаңақорған ауданы, Бесарық ауылында дүниеге келген. Білімі: 2018 жылы әл-Фараби атындағы ҚазҰУ география және табиғатты пайдалану факультетінің «5В060900 - География» мамандығына түсіп, 2022 жылы үздік дипломмен бітірді. 2022 жылы география және табиғатты пайдалану факультетінің «7М05203 – География» білім беру бағдарламасының, ғылыми – педагогикалық бағыты бойынша магистратура бөлімінің мемлекеттік білім грантын иеленді. 2024 жылы «6М060900 – География» мамандығы бойынша «жаратылыстану ғылымдарының магистрі» академиялық дәрежесін алды. 2025 жылы әл – Фараби атындағы ҚазҰУ-нің «8D05202 География» білім беру бағдарламасы бойынша оқуға түсіп, қазіргі таңда 1 курс докторанты. Еңбек, ғылыми-педагогикалық қызметі: география, жерге орналастыру және кадастр кафедрасында 2022-2023 жж. маман, 2025-жылдан қазіргі уақытқа дейін оқытушы қызметін атқарып келеді. 15-тен астам ғылыми мақалалардың авторы.