Өмірбаян

Светлана Қазбекқызы Тұрашева 1973 жылы 7 қарашада Алматы облысында дүниеге келген. 1990 жылы Алматы қаласындағы №40 орта мектепті бітірді. 1996 жылы Әл-Фараби атындағы Қазақ Ұлттық университетін бітірді, «Биолог. Биология және химия пәнінің оқытушысы» квалификацияяны алды. Өсімдіктер физиологиясы, генетика және биоинженерия институтында (ӨФГБИ) тағылымдамадан өткен соң, аспирантураның «03.00.23-Биотехнология» мамандығы бойынша күндізгі бөліміне оқуға түсті (1997-2000). 2001-2004 жылдар аралығында биотехнология зертханасының кіші ғылыми қызметкері болып жұмыс істеді. 2003 жылы кандидаттық диссертацияны қорғады (диссертация тақырыбы: "Совершенствование биотехнологических методов создания андрогенных дигаплоидов мягкой пшеницы", 2004 жылы «03.00.23-Биотехнология» мамандығы бойынша биология ғылымдарының кандидаты ғылыми дәрежесі берілді. 2011 жылы 03.00.01-Биология мамандығы бойынша доцент (қауымд.профессор) ғылыми атағы берілді; 2024 жылы 03.00.01-Биология мамандығы бойынша профессор ғылыми атағы берілді. Өсімдіктер биологиясы және биотехнологиясы институтының жасушалық инженериясы зертханасында 2004 жылдан бастап ғылыми қызметкер, содан кейін аға ғылыми қызметкер (2005-2007 ж.) ретінде жұмыс істеді. 2005-2006 жылдары аға оқытушысы болып Қазақ мемлекеттік қыздар педагогикалық институтының биология кафедрасында қызмет атқарды. 2006-2014 жылдары әл-Фараби атындағы ҚазҰУ биотехнология кафедрасының доценті, 20014 жылдан бастап профессор м.а., 2024 жылдан бастап қазірге дейін биотехнология кафедрасының профессоры болып қызмет атқаруда.130-дан астам ғылыми еңбектің, оның ішінде 3 монографияның, 2 ұжымдық монографияның, 8 оқу-әдістемелік басылымның, Қазақстан Республикасы Білім және ғылым министрлігі мен РОӘБ мөрі басылған қазақ, ағылшын және орыс тілдеріндегі 4 оқулықтарының авторы болып келеді, 3 патенттің авторы. Республикалық және халықаралық жобалардың (МАГАТЭ) жауапты орындаушысы болып келеді. Ғылыми-педагогикалық қызметкерлер үшін тағылымдамадан, тренингтерден, тіл курстарынан және біліктілігін арттыру курстарынан өткендігі туралы сертификаттарым бар (IELTS, TOEFL, IAEA/IAEA, халықаралық аккредиттеу агенттігі ASIIN, инженерлік білім бойынша халықаралық ENAEE, Өрлеу сертификаты). Мен неміс,ағылшын, қазақ, орыс тілдерін білемін. Жалпы еңбек өтілі: 34 жыл, оның ішінде ғылыми және педагогикалық өтілі – 25 жыл. «Жоғары оқу орнының үздік оқытушысы» медалінің және атағының иегері (2019 ж.), ҚР ҒжЖБМ Алғысхаттың иегері (2023)