Өмірбаян

1969 жылы 1 қаңтарда дүниеге келген. 1994 жылы әл-Фараби атындағы ҚазҰМУ тарих факультетін бітірген. Ғылыми-педагогикалық қызметін 1998 жылы Алматы қаласы бойынша МГМУ филиалында оқытушы болып бастаған. 1999-2003 жылдары әл-Фараби атындағы ҚазҰУ-да тағылымдамадан өтуші, аспирант, ассистент болды. 2003-2010 жылдары Абай атындағы ҚазҰПУ аға оқытушысы, доценті. Ал 2011-2013 жылдары әл-Фараби атындағы ҚазҰУ доценті. 2014-2016 жылдары Ө.А.Жолдасбеков атындағы Экономика және құқық академиясының ректоры болып жұмыс істеді. 2017-2020 жылдары ҚазҰУ Археология, этнология және музеология кафедрасының профессоры болып қызмет етті. 2020- 2021 жылдары ҚР МСМ "Қазақстан мәдениеті ғылыми-зерттеу институты" РМҚК директоры қызметін атқарды. 2021-2022 жылдың қыркүйек айынан бастап Академик Т.С.Садықов атындағы Қазақстан тарихы кафедрасында жұмыс істеді. 2022 жылдың қыркүйек айынан әл-Фараби атындағы ҚазҰУ тарих факультетінің деканы. Д. С. Байгунаков - "БОЛАШАҚ" халықаралық стипендиясының иегері (2010); Сиена университетінде (Италия, 2010-2011), Хаджетепе университетінде (Түркия, 2013), SGH университетінде (Польша, 2015), Италияның мәдени мұра министрлігінде (Флоренция, 2018) ғылыми тағылымдамадан өтті. "Жоғары оқу орнының үздік оқытушысы" (2013), "ҚР Білім беру ісінің құрметті қызметкері" (2016) болды. 200-ге жуық ғылыми басылымның авторы.