Өмірбаян

Б.К.Қалшабаева тарих ғылымдарының докторы, профессор м.а., – 1960 жылы 4 маусымда қазіргі Оңтүстік Қазақстан облысы Сарыағаш ауданы Полторацкое селосында дүниеге келген. 1977 жылы Сарыағаш ауданының Ғ. Мұратбаев атындағы орта мектепті бітірген. 1977 - 1982 жж. өндірісте жұмыс істеген. 1982 жылы С.М. Киров атындағы Қазақ Мемлекеттік университетінің тарих факультетіне оқуға түсіп, оны 1987 жылы бітірген. ҚР БжҒМ жолдамасымен 1987-1989 жж. А.С. Пушкин атындағы Орал педагогикалық институтында оқытушы болып қызмет атқарған. Б.К. Қалшабаева әл-Фараби атындағы қазақ ұлттық университетінің 1989-1990 жж. ізденушісі, 1990-1993 жж. – археология және этнология кафедрасының аспиранты, 1993-1995 жж. оқытушы, 1995-1997 жж. аға оқытушы, 1997-2010 жж. доцент, 2011 жылдан бастап – археология және этнология кафедрасының профессор м.а. 1994 жылы 07.00.07 – Этнология, этнография және антропология мамандығы бойынша «Өзбекстандағы қазақтар (Солтүстік-шығыс аймағы деректері бойынша)» тақырыбында кандидаттық диссертация қорғады. 1999-2002 жж. 07.00.07 – Этнология, этнография және антропология мамандығы бойынша докторантурада оқыды. 2010 жылы Ш. Уалиханов атындағы Тарих және этнология институтының ОД 53.33.01 мамандырылған ғылыми кеңесінде 07.00.07 – Этнология, этнография және антропология мамандығы бойынша «Орта Азия қазақтары (тарихи-этнографиялық зерттеу)» тақырыбында докторлық диссертациясын қорғады. Б.К. Қалшабаева – қазақ диаспорасы мен репатрианттар (оралмандар) мәселесін, Қазақстан территориясындағы этномәдени үдерістер мен дәстүрлі мәдениетті, жалпы этнология ғылымы саласындағы проблемаларды зерттейтін ғалым. 1995-1996 жж. «Түркістан қаласының этномәдени үдерістері» тақырыбындағы этнографиялық экспедицияны басқарған. ҚР БжҒМ қаржыландырған бірнеше іргелі зерттеулер бойынша жобаның орындаушысы. Бибизия Кенжебекқызы «5020800 – Археология және этнология», «5В020800 – Археология және этнология», «5В041900 – Музей ісі және ескерткіштерді қорғау» (бакалавриат); «6М020800 – Археология және этнология», «6М041900 – Музей ісі және ескерткіштерді қорғау» (магистратура) мамандықтарының 2004, 2006 және 2008 жж. және «6D020800 - Археология және этнология» (докторантура) мамандықтары бойынша ҚР МЖМБС авторы. 12 кітаптың авторы, 300-ге жуық ғылыми және оқу-әдістемелік мақалалардың авторы.ҚР БжҒМ «2013 ж. ЖОО үздік оқытушысы», ҚазҰУ -де "Ерен еңбегі медалдарымен,ҚР БжҒМ Құрмет грамотасымен марапатталған.