Өмірбаян

Чилдибаева Асел Жумагуловна 1980 жылы 1 маусымда Алматы облысы, Панфилов ауданында дүниеге келген. 1 сыныпқа 1987 жылы барып, 1997 жылы 11 сыныпты бітірді. 1997 жылы әл-Фараби атындағы ҚазМҰУ-дің биология факультетіне түсіп, 2001 жылы "Биология" мамандығының бакалавр деңгейін «Ботаника» кафедрасындағы мамандану бойынша бітірді. 2001-2003 жылдары магистратурада одан әрі білімін жалғастыра жүріп, 2002-2004 жж. ботаника кафедрасында маман қызметкері ретінде қызмет атқарды. 2003-2005 жж. аспирантураны бітірді. 2004-2005 жж. аспирантурада оқи жүріп, ботаника кафедрасында оқытушы (0,25 жүктемемен) боп қызмет атқарды. Аспирантураны бітірген соң аталған кафедрада 2005-2006 жж. оқытушы (0,5 жүктемемен) боп қызмет атқарды. 2007-2009 жж. экология және ботаника кафедрасында оқытушы (толық жүктемемен) қызметін атқарды. 2009-2012 жж. ботаника және экология кафедрасында маман қызметкері қызметін атқарды. 2012-2013 жж. биоалуантүрлілік және биоресурстар кафедрасында аға оқытушы қызметін атқарып, 2013-2015 жж. декреттік демалыста болды. 2009-2011 жж. «Іле-Балқаш аймағының биогеоценоздарының қазіргі жағдайын кешенді бағалау» ғылыми-техникалық бағдарламасы бойынша, «Іле-Балқаш өңірінің флорасын түгендеу-оның фитогенофондын қорғаудың, парықты пайдаланудың және басқарудың ғылыми негізі» атты ғылыми жобада кіші ғылыми қызметкер болып қосымша қызмет атқарды. 2011-2012 жж «Алматы облысының кейбір сирек кездесетін өсімдік түрлерінің биологиялық ерекшеліктері, қазіргі кездегі жағдайы және олардың ценопопуляциясын қорғау» атты ғылыми жобада да G-8 санатты кіші ғылыми қызметкер лауазымын атқарды. 2011-2013 жж «Қазақстан өсімдіктерінің анықтауышы» атты ғылыми жобада G-7 санатты ғылыми қызметкер лауазымын атқарды. 2012-2018 жж. биоалуантүрлілік және биоресурстар кафедрасында аға оқытушы қызметін атқарды. 2018-2021 жж. аталған кафедрада «Геоботаника» мамандығы бойынша докторантураны аяқтады. 06.10-04.12.2019 ж. «Түркия, Ескишехир қаласы, Анадолу университеті» шетелдік ғылыми тағылымдамадан өтті. 30.09.2022 ж. әл-Фараби атындағы ҚазҰУ-нің биология және биотехнология факультетінде «6D061300-Геоботаника» мамандығы бойынша докторлық диссертациясын қорғады. 14.10.2022 ж. Философия докторы (PhD) дәрежесін алды. 2024-2025 жж. биоалуантүрлілік және биоресурстар кафедрасында доцент м.а. қызметін атқарды. 2025-2026 жж. ботаника және агроэкология кафедрасында доцент м.а. қызметін атқаруда. 118 ғылыми мақалалардың авторы. Индекс хиршасы – 4.