Өмірбаян

Битемірова Раушан Қосмұратқызы 1991 жылы 12 тамызда Оңтүстік Қазақстан облысы Сарыағаш ауданы Ошақты ауылында туылған, ұлты - қазақ. 2009 жылы С.Ж.Асфендияров атындағы Қазақ Ұлттық Медицина Университетінің жалпы медицина факультетіне оқуға түсті. 2014 жылы бакалавр дәрежесін алды. 2014-2016 жылдары С.Ж.Асфендияров атындағы Қазақ Ұлттық Медицина Университетінде «Терапия» мамандығы бойынша интернатурада оқыды. Емтихандарды сәтті тапсырып, жалпы тәжірибелік дәрігер ретінде сертификат алды. Университетті бітіргеннен кейін 2017 жылдың ақпан айынан 2017 жылдың тамыз айына дейін №4 қалалық клиникалық ауруханада жедел жәрдем бөлімінде жұмыс істеді. 2017 жылдың қыркүйегінде С.Ж.Асфендияров атындағы ҚазҰМУ-дың «Спорт медицинасы» мамандығы бойынша резидентураға оқуға түсті. Резидентурада оқу барысында Қазақ-Ресей Медициналық Университетінде клиникалық фармакология курсы бойынша ішкі аурулар кафедрасында оқытушы болып жұмыс істеді. 2019 жылдың шілде айында Раушан мемлекеттік емтиханды сәтті тапсырып, Спорттық Медицина дәрігері дипломы мен маман сертификатын алды. Жалпы жұмыс өтілімі (резидентураны қоса алғанда) – 6 жыл. Битемірова Раушан Қосмұратқызы 21.02.2023 жылдан бастап С.Ж. Асфендияров атындағы ҚазҰМУ «Шұғыл медициналық көмек» кафедрасында ассистент қызметін атқаруда. Битемірова Раушан Қосмұратқызы кафедрада ассистент ретінде сабақ береді, топ жетекшілік етеді, барлық студенттермен тіл табыса білді. Терапевтік және жансақтау бөліміндегі науқастардың клиникалық талдауларына қатысады. Клиникалық жұмысты №7 қалалық клиникалық ауруханасында жүргізеді, күнделікті консультацияларға қатысады, күнделікті стационарлық науқастарды қарау, КИЛИ талдауы. Битемірова Раушан Қосмұратқызы өзін жауапты қызметкер ретінде көрсете білді, қызметтік міндеттерін адал атқарып, өзіне жүктелген тапсырмаларды сапалы және уақытылы орындайды. Кафедра жиналыстарына, оқу семинарларына және топтарда сабақ өткізу, кейстерді, тест тапсырмаларын құрастыру бойынша тренингтерге қатысты. 3 жарияланым: 2 мақала, 1 тезис. Ағылшын тілін меңгеру дәрежесі –В2 (IELTS 6,0) «Жүрек-қан тамырларының ерте қартаюын анықтау және алдын алу үшін маркерлер мен диагностикалық алгоритмді құру» ғылыми жобасына қатысады.