Турлықожақызы Дана Абдикумарқызы 1993 жылдың 21 шілдесінде Талдықорған қаласында дүниеге келген. 2015 жылы Қазақстан инженерлік-технологиялық университетін «Радиотехника, электроника және телекоммуникациялар» мамандығы бойынша бітіріп, бакалавр дәрежесін алды. 2017 жылы Томск политехникалық университетінде «Физика» мамандығы бойынша білімін аяқтап, үздік дипломмен магистр дәрежесін және алтын медальды иеленді. 2025 жылы Қ. И. Сәтбаев атындағы Қазақ ұлттық зерттеу техникалық университетінде (Satbayev University) «Радиотехника, электроника және телекоммуникациялар» мамандығы бойынша диссертация қорғап, PhD дәрежесін алды. 2018 жылдан бастап әл-Фараби атындағы Қазақ ұлттық университетінің электроника және астрофизика кафедрасында оқытушы болып жұмыс істейді. 2017 жылдан бері ғылыми-зерттеу жұмыстарымен белсенді айналысып келеді. Ғылыми-зерттеу бағыттары: сигналдарды өңдеу; желілерді құру және маршрутизациялау, соның ішінде mesh-технологиялар; ұшқышсыз ұшу аппараттары мен робототехникалық жүйелер; Raspberry Pi платформасын пайдалана отырып жүргізілетін эксперименттік әзірлемелер; фракталды желілерді модельдеу және оңтайландыру; мәліметтерді талдау мен есептеулерді автоматтандыруға арналған машиналық оқыту әдістерін, нейрондық желілерді және Python тіліндегі алгоритмдерді қолдану.