2021 жылы әл-Фараби атындағы Қазақ ұлттық университетінің физика-техникалық факультетін «Физика және астрономия» мамандығы бойынша бакалавр дәрежесімен аяқтадым. 2023 жылы әл-Фараби атындағы Қазақ ұлттық университетінің физика-техникалық факультетінің магистратурасын «Физика және астрономия» мамандығы бойынша тәмамдадым. 2023 жылдан бастап В. Г. Фесенков атындағы Астрофизика институтында кіші ғылыми қызметкер болып жұмыс істеймін. Тянь-Шань астрономиялық обсерваториясында (ТШАО) жоғары ажыратымдылықтағы спектрлер бойынша бақылаулар жүргіземін. 2025 жылдан бастап әл-Фараби атындағы Қазақ ұлттық университетінің электроника және астрофизика кафедрасында оқытушы болып қызмет етемін. Менің ғылыми қызметімнің негізгі бағыты — жоғары ажыратымдылықтағы спектроскопия, ыстық және қос жұлдыздарды зерттеу, бақылау деректерін статистикалық талдау және жұлдыздардың эволюциясын зерттеу.