1993–1995 жылдары Алматы қаласындағы Алматы коммерциялық техникумында білім алып, «Аудит» мамандығы бойынша диплом алды. 1995–1997 жылдары Алматы қаласындағы Қазақ мемлекеттік басқару академиясын «Халықаралық экономикалық қатынастар» мамандығы бойынша тәмамдады. 2012–2015 жылдары Тараз инновациялық-гуманитарлық университетінің магистратурасын «Экономика» мамандығы бойынша аяқтады. 2007–2014 жылдары Т. Рысқұлов атындағы Қазақ экономикалық университетінің «Әлемдік экономика және халықаралық қатынастар» кафедрасында аға оқытушы болып жұмыс істеді. 2019 жылдан бастап әл-Фараби атындағы Қазақ ұлттық университетінің «Бизнес-технологиялар» кафедрасында аға оқытушы болып жұмыс істейді. Педагогикалық еңбек өтілі – 19 жыл. 46 ғылыми жарияланымның авторы, оның ішінде ККСОН тізіміндегі 6 мақала, РИНЦ базасындағы 5 мақала, Scopus базасындағы 1 мақала, сондай-ақ 2 оқу құралы бар. 3 авторлық куәлікке ие. «6В11301 – Логистика» білім беру бағдарламасы бойынша НААР, «Атамекен» ҰКП, НАОКО рейтингтік рәсімдеріне белсенді қатысады. Кафедра бойынша сапа менеджменті жүйесіне жауапты, «6В11301 – Логистика» білім беру бағдарламасының үйлестірушісі, сондай-ақ кафедраның қашықтықтан оқыту технологиялары (ДОТ) бойынша жауапты тұлға болып табылады.