Турлыбекова Надира Максутовна ұлты - қазақ, білімі - жоғары, ҚР-ның азаматы. Әл-Фараби атындағы Қазақ ұлттық университетін үздік бітірген бакалавр және магистр дәрежесі бар. 2006 жылдың қыркүйек айынан бастап әл-Фараби атындағы Қазақ ұлттық университетінің «Экономика және бизнес» факультетіндегі маркетинг және коммерция кафедрасында оқытушының ассистенті ретінде жұмыс істей бастайды. 2011 - 2019 жылдар аралығында «Менеджмент және маркетинг» кафедрасында аға оқытушы болып қызмет атқарды. 2020-2025 жылдары «Бизнес- технологиялар» кафедрасында аға оқытушы және кафедра меңгерушісінің оқу-әдістемелік және тәрбие ісі жөніндегі орынбасары болып қызмет атқаруда. Университетте келесі пәндер бойынша қазақ және орыс тілдерінде дәріс және семинар сабақтарын жүргізеді: «Маркетинг», «Банктік маркетинг», «Қызмет маркетингі», «Агромаркетинг», «Маркетингтік зерттеу», «Маркетингті басқару», «Халықаралық маркетинг», «Көліктің жалпы курсы», «Бірыңғай тасымалдау жүйесі», «Бәсекелестік стратегия», «Тауарлар мен қызметтер сарабы», «Брендинг», «Event-маркетинг», «Маркетингтік коммуникациялар», «Тауар және өткізу саясатын басқару». Педагогикалық тәжірибесі мол (20 жыл), 50-ден астам ғылыми жұмыс жариялаған, оның ішінде ҚР ҒЖБМ Ғылым және жоғары білім саласындағы сапаны қамтамасыз ету комитеті ұсынған басылымдарда негізгі нәтижелерді жариялау үшін – 12 мақала, Springer баспасындағы монографияда 2 тарау, 2 оқу құралы, 2 қысқаша дәрістер курсы, сондай-ақ халықаралық және республикалық ғылыми- тәжірибелік конференциялар материалдарында жарияланған мақалалар бар. Хирш индексі – 2. Турлыбекова Н.М. 5 авторлық куәлік алған