Өмірбаян

Бейсенова М.У. 1956 жылдың 7 мамырында дүниеге келген. 1973 жылы Шымкент қаласындағы М. Әуезов атындағы мектепті бітірді. 1979 жылы ТашПИ-ді (политехникалық институт) «инженер-экономист» мамандығы бойынша тәмамдады. 1979–1981 жылдары №25 «Чимкентсельстрой» кәсіпорнында инженер-экономист болып жұмыс істеді. 1981–1983 жылдары Кибернетика институтында, АН Руз Есептеу орталығында аспирантурада оқыды. 1989 жылы 05.13.10 — «Әлеуметтік және экономикалық жүйелерді басқару» (экономика) мамандығы бойынша кандидаттық диссертациясын қорғады. 1993–2014 жылдары М. Әуезов атындағы ОҚМУ-де «Кәсіпкерлік және коммерция», «Маркетинг және коммерция», «Маркетинг», «Экономика» кафедраларында кафедра меңгерушісі болып қызмет атқарды. 2015–2022 жылдары М. Әуезов атындағы ОҚМУ-дың «Менеджмент» және «Туризм және қонақжайлылық» кафедраларында профессор қызметін атқарды. 2022 жылдың 1 қыркүйегінен бері әл-Фараби атындағы ҚазҰУ-дың «Бизнес-технологиялар» кафедрасында жұмыс істейді.