Ашел Ержан Нұрланұлы, 1997 жылы туылған, дәрігер-стоматолог, әл-Фараби атындағы Қазақ ұлттық университеті медицина және денсаулық сақтау факультеті Жоғары медицина мектебінің стоматология кафедрасының аға оқытушысы. Ашел Е.Н. 2020 жылы С. Д. Асфендияров атындағы Қазақ ұлттық медицина университетінің стоматология факультетінің «Стоматология» мамандығы бойынша бакалавр дәрежесін тәмамдады. 2021 жылы С. Д. Асфендияров атындағы Қазақ ұлттық медицина университетінің стоматология факультетінде «Стоматология» мамандығы бойынша интернатураны аяқтап, жалпы тәжірибелі дәрігер-стоматолог біліктілігі берілді. 2023 жылы Қожа Ахмет Ясауи атындағы Халықаралық қазақ-түрік университетінің медицина факультетінде «Қоғамдық денсаулық сақтау» білім беру бағдарламасының ғылыми-педагогикалық бағыты бойынша магистр дәрежесін алды. Стоматология мамандығы бойынша оқыту курстары мен семинарлардан өткен. 2023 жылдың мамыр айында Ташкент қаласында өткен Өзбекстан стоматологтарының VI халықаралық конгресінде «Бастауыш сынып оқушыларының ауыз қуысы денсаулығының жағдайы» тақырыбында баяндама жасады. Халықаралық конференциялар материалдарында жарияланған 10 ғылыми еңбегі бар. Сондай-ақ 1 авторлық құқық куәлігі (№34469) бар.