Мен, Чуенбекова Ардақ, 1973 жылы 5 қарашада Ақтөбе облысының Шалқар қаласында дүниеге келдім. 1990 жылы орта мектепті бітіргеннен кейін Алматы мемлекеттік медицина институтының (АММИ) санитарлық-гигиеналық факультетіне оқуға түстім. 1996 жылы аталған институтты «Санитария, гигиена, эпидемиология» мамандығы бойынша сәтті тәмамдадым. 1996 жылдан бастап қазіргі уақытқа дейін С.Д. Асфендияров атындағы Қазақ ұлттық медицина университетінде (ҚазҰМУ) жұмыс істеймін. 2024 жылдан бастап, сонымен қатар, әл-Фараби атындағы Қазақ ұлттық университетінде (ҚазҰУ) қызмет атқарып келемін. 2007 жылы 14.00.07 — Гигиена мамандығы бойынша медицина ғылымдарының кандидаты ғылыми дәрежесін алу үшін диссертациямды сәтті қорғадым. 2025 жылы қауымдастырылған профессор ғылыми атағы берілді.