Мен, Есжанова Гаухар Аскаровна, 1994 жылы қыркүйек айының 1-ші жұлдызында Жамбыл облысы, Тараз қаласында дүние келдім. Әкем- Есжанов Асқар Кенжеевич 1967 жылғы, жеке кәсіпкер, анам- Есжанова Жанаркүл Райхановна 1968 жылғы, жеке кәсіпкер. Ұлтым қазақ. Ана тілім қазақ тілі, сонымен қатар орыс және ағылшын тілдерін жақсы меңгергенмін. 2000 жылы отбасыммен Атырау қаласына қоныс аударып, 2012 жылы Атырау облыстық ұлттық дарынды балаларға арналған гимназия мектебін бітірдім. Сол жылы әл-Фараби атындағы Қазақ Ұлттық университетіне «ғылыми биология» мамандығына бакалавр дәрежесіне оқуға түстім. 2016 жылы оқуымды сәтті аяқтап, Қазақ Ұлттық университетіне «биотехнология» мамандығына магистратураға түстім. 2018 жылы магистр дәрежесін алдым. 2017-2018 жылдар аралығында Қазақ-Ресей медициналық университетінің иммунология факультетінде лаборант лауазымында қызмет атқардым. 2018- 2021 жылдар аралығында Алматы қаласы, химия-биология бағытындағы Назарбаев зияткерлік мектебінде жұмыс істедім. 1-ші жылы биология кабинетінің лаборанты лауазымында, келесі жылдары мұғалім- стажер лауазымында.