Өмірбаян

Мен, Садыханова Динара Амангельдиевна, Әл-Фараби атындағы Қазақ ұлттық университеті Экономика және бизнес факультетінің 2002 жылғы түлегімін. 2002 жылы «Әлемдік шаруашылық және халықаралық экономикалық қатынастар» мамандығы бойынша аспирантураға түсіп 2005 жылы аяқтадым. 2002 жылғы 1 қыркүйектен бастап Әл-Фараби атындағы ҚазҰУ-дың Әлемдік экономика кафедрасында оқытушы болып еңбек жолымды бастадым. 2006 жылы Экономика және бизнес жоғары мектебінің «Қаржы» кафедрасына ауысып 2017 жылға дейін «Қаржы» кафедрасында ғылыми- инновациялық қызмет және халықаралық байланыстар жөніндегі кафедра меңгерушісінің орынбасары қызметін атқардым. 2013–2014 жылдары Ұлыбританияның Лондон қаласындағы Brunel университетінде ғылыми- педагогикалық тағылымдамадан өттім. 2018 жылдан бастап академиялық ортадан тыс кәсіби қызмет атқардым: «Қазпочта» АҚ корпоративтік секретариатында, сондай-ақ Қазақстан Республикасы Цифрлық даму, инновациялар және аэроғарыш өнеркәсібі министрлігі жанындағы Үкіметтің цифрлық офисінде HR бағыты мен әкімшілік-шаруашылық қызметтің жетекшісі қызметтерін атқардым. 2024–2025 жылдары Алматы Менеджмент Университеті MBA бағдарламалары департаментінің директоры қызметін атқардым. 2025 жылғы қыркүйек айынан бастап Экономика және бизнес жоғары мектебінде оқу- әдістемелік жұмыс жөніндегі декан орынбасары қызметін атқарып келемін.