Ол 1989 жылы Абай атындағы Саран педагогикалық училищесін аяқтағаннан кейін академик Е.А.Бөкетов атындағы Қарағанды мемлекеттік университетінің орыс мектебіндегі қазақ тілі мен әдебиеті мамандығына түсіп, оны 1994 жылы үздік дипломмен тәмамдады. 2010 жылы Қарағанды мемлекеттік университетінің шетел тілі: екі шетел тілі (ағылшын) мамандығына түсіп, оны 2012 жылы үздік дипломмен бітірді. Бақыт Манатқызы Айтбаева 1994 жылдан бастап 2022 жылдың 1 қыркүйегіне дейін Е.А.Бөкетов атындағы Қарағанды мемлекеттік университетінде аға оқытушы, доцент, профессор, кафедра меңгерушісі қызметтерін атқарды. 2022 жылдың 1 қыркүйегінен бастап әл-Фараби атындағы Қазақ ұлттық университеті шетелдіктердің тілдік және жалпы білім беру дайындығы кафедрасының профессоры лауазымында. Бақыт Манатқызы 1994-1999 жылдар аралығында Е.А.Бөкетов атындағы ҚарМУ-дің күндізгі оқу бөлімі аспирантурасында оқып, 2001 жылы ҚР Білім және ғылым министрлігінің М.Әуезов атындағы әдебиет және өнер институтындағы филология ғылымдарының кандидаты(Ph.D) ғылыми дәрежесін беру жөніндегі Диссертациялық кеңесте 10.01.09- «Фольклористика» мамандығы бойынша «Қазақ батырлық жырларындағы ажарлаудың қызметі» тақырыбында кандидаттық диссертациясын қорғап шықты. Ол 2007 жылы тіл білімі саласы бойынша қауымдастырылған профессор ғылыми атағын алды. Бақыт Манатқызы түрлі деңгейлердегі марапаттарға ие болған. 2013 жылы Қазақстан Республикасы Білім және ғылым министрлігінің «Жоғары оқу орнының үздік оқытушысы» атағының иегері және 2023 жылы Болашақ бағдарламасы аясындағы «500 ғалым» жобасының жеңімпазы атанды. 2006 жылдың сәуір айында Қарағанды облысының тілдерді дамыту басқармасы ұйымдастырған мемлекеттік тілді жеделдетіп, жұмыстан босатып оқыту конкурсын жеңімпазы болды. 2007 жылы Қазақстан Республикасы Мәдениет және ақпарат министрлігі Тіл комитеті Мемлекеттік тілді жеделдете оқыту республикалық орталығы өткізген «Мемлекеттік тілді оқытудың медиа- сабақтары» фестивалінде бас жүлдені жеңіп алды. 2009 жылы сәуір айында Қарағанды облыстық Тілдер орталығы ұйымдастырған ІІ облыстық медиа-сабақтар фестивалінің және 2009 жылы Қарағанды облыстық тілдерді дамыту жөніндегі басқармасы өткізген «Қазақ тілінің үздік оқытушысы» байқауының бас жүлде жеңімпазы атанды. 2010 жылы Е.А.Бөкетов атындағы Қарағанды мемлекеттік университетінің жас ғалымдар грантының және 2013 ф.ғ.д., профессор А.Н.Тэн атындағы сыйақысының иегері атанды. 2012 ж.Қарағанды облыс әкімінің «Тіл жанашыры»,«Үздік оқыту