Техника ғылымдарының кондидаты, аға оқытушы Джексенбаев Нурболат Копжасарович 1979 жылы туылған, қазақ, білімі жоғары 1979 жылы 17 қазанда Жамбыл облысы Сарыкемер ауданы Аймантөбе ауылында дүниеге келген. 1996 жылы Берікқара орта мектебін бітіріп, сол жылы Алматы қаласындағы Қ.И.Сатпаев атындағы Қазақ Ұлттық техникалық университетіне «Мұнайгаз кәсіпшілігі машиналары мен құрал- жабдықтары» мамандығы бойынша оқуға түседі. 2001 жылы Қ.И.Сатпаев атындағы Қазақ Ұлттық техникалық университетін бітіріп, еңбек жолын 2001 жылы Х.Дулаты атындағы Тараз мемлекеттік университетінде оқытушы болып бастайды. 2003-2009 жылдары Алматы қаласындағы Орталық-Азия университетінде «Инженерлік-техникалық» факультеті деканының орынбасары қызметін атқарды. 2009 жылы Мәскеу қаласында академик А.П.Крылов атындағы Ресей мұнайгаз ғылыми-зерттеу институтында ғылыми диссертациясын қорғады. 2009-2011 жылдары Каспий қоғамдық университетінде «Мұнайгаз ісі» кафедрасының меңгерушісі болып қызмет атқарды. 2011- 2019 жылдар аралығында Қ.И.Сатпаев атындағы Қазақ Ұлттық техникалық зерттеу университетінде мұнайгаз саласы бойынша доцент, ассоц. профессор дәрежесінде қызмет атқарып келді. 2019-2021 жылдары Орталық-Азия университетінде кафедра меңгерушісі қызметінде жұмыс жасады. Джексенбаев Н.К. еңбек жолында үнемі ізденісте болып, әртүрлі ғылыми жобаларға қатысып, біліктілігін арттырып отырды. Ол мұнайгаз мамандығы бойынша 5 оқулық, 68 ғылыми және методикалық еңбектер жазып, осы салада өз үлесін қосуда. Көптеген Халықаралық ғылыми жобалар мен конференцияларға қатысып 25-тен аса еңбектері шетел баспаларында жарияланды.Студенттер арасында ұйымдастырылған ғылыми-әдістемелік конференциялар, конкурстар мен жұмыстарға қосқан үлесі үшін «ҚазТрансОйл» АҚ сияқты ірі компаниялар мен университеттер тарапынан «Алғыс хаттармен» мапатталды. Джексенбаев Н.К. Отбасын құрған. 3 баласы бар. Әл-Фараби атындағы ҚазҰУ геоерафия және табиғатты пайдалану факультеті, тұрақты даму бойынша ЮНЕСКО кафедрасына Н.К.Джексенбаев 01.09.2022 жылдан 31.08.2023 жылға дейін 1.0 жүктемеге еңбек ақы мөлшеріндегі кафедраның т.ғ.к.,аға оқытушы қызметіне жеке еңбек шартын жасауға ұсынады