Өмірбаян

Бажықова Күлзада Бегалы қызы, 1971 жылы туған, қазақ, 1993 жылы әл-Фараби атындағы Қазақ мемлекеттік ұлттық университетін «химия» мамандығы бойынша тәмамдаған. 1993-1996 жылдары БҒМ Ә.Б.Бектұров атындағы химия ғылымдары институтында аспирантурада оқыған. 1996-2000 жылдары химия ғылымдары институтының дәрілік заттар химиясы лабораториясында инженер қызметінде жұмыс атқарған. 1999 жылы 02.00.03-органикалық химия мамандығы бойынша кандидатық диссертация қорғаған. 2000-2003 жылдары химия ғылымдары институтының дәрілік заттар химиясы лабораториясында ғылыми қызметкер жұмысын атқарған. Бажықова К.Б. мемлекеттік талантты жас ғалымдардың ғылыми стипендиясының стипендиаты. 2011 жылы Қазақстан республикасы тәуелсіздігінің 20 жылдығына орай ҚР ғылым және білім министрлігінің «ҚР ғылымын дамытуға сіңірген еңбегі үшін» төс белгісімен марапатталған. 2003-2011 жылдары Қазақ мемлекеттік қыздар педагогикалық университетінде доцент қызметін атқарады. 2014 жылы жоғары білім беру жүйесін дамытуға қосқан үлесі үшін А.Байтұрсынов атындағы қола медальмен марапатталды 2011 жылдан бастап әл-Фараби атындағы ҚазҰУ химия және химиялық технология факультеті, органикалық заттар, табиғи қосылыстар және полимерлер химиясы мен технологиясы кафедрасының доценті қызметін атқарады. 2013-2015 жылдар аралығында Органикалық заттар, табиғи қосылыстар және полимерлер химиясы және технологиясы кафедрасының оқу- әдістемелік және тәрбие жұмысы жөніндегі кафедра меңгерушісінің орынбасары қызметін атқарған.