Өмірбаян

Ермекова Жанна Жандарбековна — «Әлемдік шаруашылық және халықаралық экономикалық қатынастар» мамандығы бойынша экономика ғылымдарының кандидаты. Әл-Фараби атындағы Қазақ ұлттық университетінде педагогикалық және ғылыми қызмет атқарып, «Қаржы» кафедрасының оқытушысы, «Қаржы және есеп» кафедрасының доценті міндетін атқарушы қызметтерін жүзеге асырды. Әл-Фараби атындағы ҚазҰУ-де әкімшілік лауазымдарды атқарып, оның ішінде экономикалық басқарма басшысының орынбасары, сондай-ақ Экономика және бизнес жоғары мектебінің ғылыми- инновациялық қызмет және халықаралық байланыстар жөніндегі декан орынбасары қызметтерін атқарды. Мемлекеттік басқару органдарында, заң шығарушы билік құрылымдарында және банк саласында жұмыс тәжірибесіне ие. Әлемдік экономика және арнайы экономикалық аймақтар саласы бойынша ғылыми жарияланымдар мен монографияның авторы.