Зейнуллин Раймбек Бақытжанұлы Әл-Фараби атындағы Қазақ ұлттық университетінің философия және саясаттану факультетінде «Мәдениеттану» мамандығы бойынша бакалавриат, магистратура, докторантураны тәмамдады. Р.Б. Зейнуллин Қазақстанның жоғары білім және ғылым жүйесінде 2020 жылдан бері қызмет етіп келеді. Ол – қазақ философиясы, қазақ мәдениеті, мәдени антропология бағыттары бойынша отандық басылымдардар және халықаралық мақалалардың авторы: «Ноғай түркілерінің этномәдениеті және батыс қыпшақтардың көшпелі мұрасы», 85 Том № 3 (2023): ҚазҰУ Хабаршысы. «Өркениеттер ағынындағы түркі әлемі», 92 Том № 2 (2022): Адам әлемі. «Ноғайлар этномәдениеті және Дешті Қыпшақ мұрасы», 82 Том № 4 (2022): ҚазҰУ Хабаршысы. Ғылыми монографиялар мен оқулықтар авторы: «Қазақ мәдениетінің тарихы мен теориясы», «Жаһандану және Қазақстанның заманауи мәдениеті», «Қазақстандағы мәдени туризм. Ұлттық код. Артефактілер», «Дәстүрлі және заманауи қазақ мәдениеті, Хрестоматия (электрондық оқулық) және «Қазақстандағы мәдени ескерткіштер мен жәдігерлер» (электрондық контент). 2018-2020 жж. – ҚР БҒМ АР 0513573 «2050 стратегиясы аясында Қазақстанды модернизациялаудағы мәдени ескерткіштердің орны мен рөлі» атты жобада кіші ғылыми қызметкер қызметін атқарды. 2018-2020 жж. – ҚР БҒМ AP 05131879-OT-20 «Қазақстандық қоғам дамуының шарты ретіндегі сананың өзгеруі» атты жобада кіші ғылыми қызметкер қызметін атқарды. 2020 - 2021 жж. – М.Өтемісұлы атындағы БҚУда оқытушы болды. 2022 ж. – «ТМД елдері арасында үздік жас педагог - 2022» атағының иегері. Қазақстан Республикасы, Астана қаласы. 2024 - 2025 оқу жылында Р.Б. Зейнуллин философия кафедрасында оқытушы, ғылыми-инновациялық жұмыс және халықаралық байланыстар жөніндегі кафедра меңгерушісінің орынбасары қызметін атқарды. Р.Б. Зейнуллин – әл-Фараби атындағы Қазақ ұлттық университетінің бакалавриат, магистратура, докторантура деңгейінде білім алып, үздік тамамдады. Қабілетті, білікті, жауапкершілігі мол, принципшіл жас ғалым.