Осербаев Елдос Нұрланұлы — әл-Фараби атындағы ҚазҰУ түлегі, Мәдениеттану бойынша гуманитарлық ғылымдар магистрі және PhD докторанты. Ол ҚР Президентінің «500 ғалым» жобасы бойынша «Болашақ» стипендиясының иегері ретінде Түркия Республикасындағы Хажеттепе университетінде (антропология) ғылыми тағылымдамадан өтті (2022–2023 жж.). Оның кәсіптік тәжірибесі 2018 жылдан бастап ғылыми- зерттеу жобаларында (кіші ғылыми қызметкер) және Халықаралық «Әл-Фараби орталығының» маманы ретінде басталды. 2024 жылдан бастап әл-Фараби атындағы ҚазҰУ Философия және саясаттану факультеті деканының ғылыми-инновациялық және халықаралық қатынастар бойынша орынбасары, оқытушы қызметін атқарады. Ол қазақ, орыс, ағылшын және түрік тілдерін терең меңгерген маман. Е.Н. Осербаев — 2 ғылыми монографияның («Жаһандану және Қазақстанның заманауи мәдениеті» және т.б.), 2 электронды оқу құралының және Scopus базасына енетін 2 мақаланың авторы. Ол ірі мега-жобаның (2023–2025 жж., «Цифрлық трансформация жағдайындағы қазақстандық қоғам») ғылыми қызметкері. Оның марапаттарының арасында TURKSOY төсбелгісі (2023 ж.), Хажеттепе университетінің «Жылдың үздік визит-дәріскері» төсбелгісі (2023 ж.) және «ТМД елдері арасында үздік жас педагог - 2021» атағы бар.