Муминов Нурлан Акимбаевич – саясаттану бойынша PhD докторы, Әл-Фараби атындағы Қазақ Ұлттық университеті философия кафедрасының доценті. Ұлттық бірегейлік, тарихи және ұжымдық жады, жады саясаты, ұлттық қауіпсіздік, ұлттық мүдде, сыртқы саясат, геосаясат мәселелерін зерттеу бойынша 10 жылдан астам тәжірибесі бар. Отандық және шетелдік резенцияланатын журналдарда жарияланған бірнеше ғылыми мақаланың авторы. «Рухани жаңғыру» бағдарламасы аясында «Жаңа гуманитарлық білім: қазақ тіліндегі 100 жаңа оқулық» жобасы бойынша «Саясат философиясына кіріспе», «Әлемдік саясаттың жаһандануы», «Зерттеу жобасын жүргізу», «Әлеуметтік зерттеу әдістері» және т.б. әлемнің ең үздік кітаптарын ағылшын тілінен қазақ тіліне аударды. 2023– 2025 жылдарға арналған «Жас ғалым» жобасы бойынша жас ғалымдардың зерттеулеріне арналған гранттық конкурстың иегері. 2020 жылы Германиядағы Макс Планк атындағы Әлеуметтік антропология инсититуның «MoLab Inventory of Mobilities and Socioeconomic Changes» атты халықаралық ғылыми-зерттеу жобасына Ресей жән Орталық Азия аймағына жауапты зерттеуші ретінде қатысып, Covid-19 пандемиясы кезінде Ресей және Қазақстанда қабылданған саяси шешімдердің Орталық Азия мигранттарының әлеуметтік-экономикалық жағдайына қалай әсер еткенін зерттеді. Зерттеу нәтижелері Макс Планк атындағы Әлеуметтік антропология инсититуның сайтында жарияланды.