Өмірбаян

Нұрболат Шырын Таңырбергенқызы 2016 жылы әл-Фараби атындағы ҚазҰУ-нің физика-техникалық факультетінде «5B071000 – Материалтану және жаңа материалдар технологиясы» мамандығын үздік бітірген, ал 2018 жылы сол университетте «6М071000 – Материалтану және жаңа материалдар технологиясы» мамандығы бойынша магистратураны бітірді, техника ғылымдарының магистрі академиялық дәрежесі берілді. Шырын Таңырбергенқызы 2018 жылдан бері физика-техникалық факультетінде оқытушы қызметін атқарады. 2024 жылы «Көміртекті материалдар мен металл оксидтері негізінде суперконденсаторларға арналған электродты композиттер» тақырыбында докторлық диссертациясын қорғап, «8D07110-Материалтану және жаңа материалдар технологиясы» мамандығы бойынша PhD дәрежесін алды. Қазіргі таңда Қатты дене физикасы және жаңа материалдар технологиясы кафедрасында аға оқытушы қызметін атқарады. Наноматериалдардың электрохимиялық қасиеттерін зерттеу саласының маманы. Соңғы жылдары суперконденсаторларға арналған көміртекті материалдар мен металл оксидтерінен нанокомпозиттер алу технологиясын әзірлеумен белсенді айналысып келеді.