Сәбит Шынжырханұлы 1975 жылдың 16 қаңтарында Түркістан облысы, Төлеби ауданы, Георгиевка ауылында дүниеге келген. Ұлттық заң академиясының Вице-президенті, Ұлттық заң академиясының академигі, заң ғылымдарының кандидаты, қауымдастырылған профессор. 1982-1992 жылдары Шымкент қаласы № 37 Фуркат атындағы орта мектебінде оқып, үздік бітірген. 1992 жылы әл-Фараби атындағы Қазақ мемлекеттік ұлттық университетінің заң факультетіне түсіп, Құқықтану мамандығы бойынша 1996 жылы бітірді, бакалавр академиялық дәрежесі, «Заңгер» квалификациясы берілді. 1996 жылы әл-Фараби атындағы Қазақ мемлекеттік ұлттық университетінің магистратурасына түсіп, 1998 жылы құқықтану мамандығы бойынша бітіріп шықты, қылмыстық-криминалистика мамандығы бойынша «Құқық магистрі» академиялық дәрежесі берілді. 1998-2004 жылдар аралығында магистратураны аяқтаған кейін, мамандарды бөлу бойынша әл-Фараби атындағы Қазақ ұлттық университеті Экономика және құқық институтының «Қылмыстық құқық және криминология» кафедрасында жас маман ретінде қызметке қалдырылып, өз еңбек жолын ассистент, аға оқытушы, заң факультеті деканының тәрбие жөніндегі орынбасары лауазымына дейін атқарды. Ұстаздық қасиетімен қоса, көшбасшылық қасиетінің арқасында әл-Фараби атындағы Қазақ Ұлттық университетінің ректоры, экономика ғылымдарының докторы, академик К.Н. Нарибаевтың көмекшісі ретінде де жемісті еңбек етті. 2005-2009 жж. Д.А. Қонаев атындағы Университеттің «Қылмыстық-құқықтық пәндер» кафедрасының меңгерушісі ретінде, кафедра доценті лауазымында қызмет жасады. 2005 жылы Д.А. Қонаев атындағы Университетінің диссертациялық кеңесінде 12.00.10 – «Халықаралық құқық» мамандығы бойынша «Қылмыскерлерді ұстап беру (экстрадиция) институтын халықаралық-құқықтық реттеу» тақырыбында кандидаттық диссертациясын сәтті қорғады, Қазақстан Республикасы Білім және ғылым министрлігінің Білім және ғылым саласындағы қадағалау және аттестаттау комитетінің 2005 жылғы 14 желтоқсандағы шешімімен (№15 хаттама) заң ғылымдарының кандидаты ғылыми дәрежесі берілді. 2009-2012 жж. Абай атындағы Қазақ ұлттық педагогикалық университеті халықаралық қатынастар және құқықтану факультеті деканының ғылыми және халықаралық байланыстар ісі жөніндегі орынбасары, Абай атындағы Қазақ ұлттық педагогикалық университеті Құқық және экономика институты директорының ғылыми және халықаралық байланыстар ісі жөніндегі орынбасары қызметін абыройлы атқарды. 2012-2018 жж. әл-Фараби атындағы Қазақ ұлттық университеті ректоры аппараты ұйымдастыру- бақылау бөлімінің бастығы,