Әбелдаев Жеңісбек Әкімбекұлы 23.04.1975 жылы туған, ұлты – қазақ. 1998 жылы әл-Фараби атындағы Қазақ ұлттық университетінің шығыстану факультетін бітірді. Сол жылы шығыстану факультетінің түрік филологиясы кафедрасына жұмысқа қалдырылды. 1998-2002 оқу жылында әл-Фараби атындағы Қазақ ұлттық университетінің аспирантурасын бітірген. 1994-1995 оқу жылында Анкара университеті тіл, тарих және география факультетінде тілдік тәжірибеден өткен. 2000-2005 және 2006-2009 оқу жылдары аралығында шығыстану факультеті деканының тәрбие ісі жөніндегі орынбасары қызметін атқарды. 2009 жылдың 17.07-03.08 аралығында Стамбұл қаласында өткен біліктілікті арттыру семинарына қатысты. 2012 жылдың 05.01.-26.01. аралығында Лейден университетінде (Нидерланды Корольдігі) біліктілік арттыру семинарына қатысты. 2019 жылы Юнус Эмре институтының (Түркия) ұйымдастыруымен өткен докторанттарға арналған тұңғыш халықаралық Қысқы мектепке қатысушы. 2011 жылы «түркітану» мамандығы бойынша магистратураға оқуға түсіп, 2013 жылы оқуын толық аяқтады. Оған «түркітану магистрі» академиялық дәрежесі берілді. 2018 жылы «түркітану» мамандығы бойынша доктарантураға оқуға түсіп, 2021 жылы оны толық аяқтады. Әбелдаев Ж.Ә. “Қазақ және түрік тарихи романдарында ұлттық бірегейлік идеясының қалыптасуы» (І.Есенберлиннің «Көшпенділер» тарихи трилогиясы мен Х.Н.Атсыздың «Көкбөрілер» тарихи дилогиясы негізінде) атты докторлық диссертациясын дайындады. Ғылыми жетекшісі - филология ғылымдарының докторы, профессор Г.Е.Надирова. Шетелдік кеңесші, қауымдастырылған профессор Джемиле Кынаджы (Анкара, Түркия). Аға оқытушы Ж.Ә.Әбелдаевтың түрік тілі мен әдебиетінің әр түрлі мәселелеріне арналған 60-тан аса ғылыми мақаласы (оның 10 Түркияда), бес аударма еңбегі жарияланды. Танзимат кезеңіндегі түрік әдебиеті (1839-1896) атты оқу құралы бар.