Өмірбаян

1949 жылғы 9 тамызда Алматы қаласында дүниеге келген. 1-сыныптан 9-сыныпқа дейін М.В. Ломоносов атындағы №33 орта мектепте оқыған. 1965–1966 жылдары НМУ жанындағы №165 физика- математика мектебінде білім алған. 1971 жылы Новосибирск қаласындағы НМУ-дың физика факультетін (ядролық физика кафедрасы, плазма физикасы бөлімі) тәмамдаған. 1971–1972 жылдары Иркутск қаласындағы СибИЗМИР институтында зерттеуші-тағылымгер болып жұмыс істеген. 1972 жылы ҚазМУ-дың Жылуалмасу және жану проблемалық зертханасында инженер қызметін атқарған. Осы зертханада кіші ғылыми қызметкер, аға ғылыми қызметкер лауазымдарында еңбек еткен. 1986 жылдан бастап оқытушылық қызметке ауысып, ассистент, аға оқытушы, доцент қызметтерін атқарған. 1995–2006 жылдар аралығында әл-Фараби атындағы ҚазҰУ-дың Дәрістік физикалық эксперимент зертханасының меңгерушісі болған. 2006 жылдан бастап қазіргі уақытқа дейін әл-Фараби атындағы ҚазҰУ-дың физика-техникалық факультетінің жылуфизикасы және техникалық физика кафедрасының доценті қызметін атқарады. Физика-математика ғылымдарының кандидаты, доцент. 1988 жылдан бастап «Механика» және «Молекулалық физика» жалпы курстарынан дәріс оқиды. Шамамен 40 ғылыми-әдістемелік еңбектің авторы.