Өмірбаян

С.Б. Рустембаева 2014 жылы ядролық физика мамандығы бойынша әл-Фараби атындағы ҚазҰУ мен қос диплом бағдарламасы бойынша «Дубна», Мәскеу қаласы, университетін бакалавр бітірген. 2016 жылдан бастап әл-Фараби атындағы ҚазҰУ 6М060500 – Ядролық физика мамандығы бойынша магистратураға түсіп, 2018 жылы өте жақсы бағамен оқуын тәмәмдады. 2018 жылдан бастап әл- Фараби атындағы ҚазҰУ 6D060500 – Ядролық физика мамандығы бойынша докторантураға түсті. Қазіргі таңда С.Б. Рустембаева 3-ші деңгейдегі кварктардың қатысуымен жүретін сирек кездесетін процесстерді зерттеуін жалғастыруда. Оқу барысында Ломоносов атында Мәскеу мемлекеттік университетіне бірнеше рет барып, білікті профессорлардың дәрісіне қатысып, білім алмасып қайтты. Шетелдік ғылыми жетекшісі профессор Боос Э.Э.-тен өте жақсы мінездеме алды. Қазіргі таңда С.Б. Рустембаева теорилық және ядролық физика кафедрасында аға оқытушы болып жұмыс атқарады. Лабораториялық, семинарлық жұмыстарды студенттерге тиянақтылықпен, ұқыптылықпен түсіндіре алады. С.Б. Рустембаева мұғалімдер арасында сыйлы әрі берілген тапсырмаларды уақытында орындап, көзге түсті. Сонымен қатар, студенттердің білімін арттыру мақсатында сабақтан тыс қосымша жұмыстар жүргізді. Қосымша куратор-эдвайзер болып, студенттерге өз көмегін аямауда. Жұмыс барысында химия, математика факультеттерінің студенттеріне жалпы физика курсының механика, молекулалық физика, электр және магнитизм, оптика, атомдық, ядролық физика бөлімдерінен қазақ және орыс тілдерінде лабораториялық жұмыстар жүргізді. Ядролық процесстердің кинематикасы, ядролық бөлшектердің тіркегіштері және т.б. пәндерден семинарлық жұмыстарды екі тілде жүргізеді. Лабораториялық жұмыстардың барлық түрлерін, семинарлық пәндерді жоғары ғылыми және әдістемелік дәрежеде өткізіп келеді.