Өмірбаян

Бақтораз А.Е. 1993 жылы Түркістан облысы, Төле би ауданы, Көксәйек ауылында дүниеге келген. 2010 жылы әл-Фараби атындағы Қазақ ұлттық университетінің «Ядролық физика» мамандығына оқуға түсті. 2015 жылы аталған университетті тәмамдап, физика бакалавры дәрежесін алды. 2014–2015 оқу жылында қос диплом бағдарламасы бойынша Ресей Федерациясы, Дубна қаласындағы «Дубна» университетінде білім алды. 2015 жылы әл-Фараби атындағы ҚазҰУ-дың «Ядролық физика» мамандығы бойынша магистратураға қабылданып, 2017 жылы жаратылыстану ғылымдарының магистрі дәрежесін иеленді. 2015–2016 оқу жылында әл-Фараби атындағы ҚазҰУ-дың Теориялық және ядролық физика кафедрасында маман қызметін атқарды. 2016 жылдың қыркүйегінен 2018 жылдың тамызына дейін «School of Success» білім беру орталығында физика пәнінің мұғалімі болып жұмыс істеді. 2018–2019 оқу жылында ҚазҰУ-дың Теориялық және ядролық физика кафедрасында маман қызметін жалғастырды. 2019–2022 жылдары ҚазҰУ-да «Ядролық физика» мамандығы бойынша докторантурада оқыды. 2018–2020 жылдары Ашық түрдегі ұлттық нанотехнологиялық зертханасында кіші ғылыми қызметкер болып жұмыс істеді. 2021–2023 жылдары Эксперименталдық және теориялық физика ғылыми зерттеу иститутында кіші ғылыми қызметкер міндетін атқарды. 2024 жылдан бастап қазіргі уақытқа дейін әл-Фараби атындағы ҚазҰУ-дың ғылыми қызметкері және Теориялық және ядролық физика кафедрасының оқытушысы қызметін қатар атқарып келеді. 2018 жылдан бері ғылыми жобаларға қатысып келеді. Негізгі ғылыми бағыты – жоғары және аса жоғары энергиялы ғарыштық сәулелерді зерттеу.